25 красавіка, Копысь /Кар. БЕЛТА/. Няма ў свеце больш адданых і сумленных свяшчэннаслужыцеляў, чым у Беларусі. Аб гэтым Прэзідэнт Беларусі Аляксандр Лукашэнка заявіў, наведваючы на Вялікдзень храм Праабражэння Гасподняга ў гарадскім пасёлку Копысь Аршанскага раёна, перадае карэспандэнт БЕЛТА.
У храме Аляксандр Лукашэнка павіншаваў вернікаў са святам і асаблівыя словы ўдзячнасці выказаў свяшчэннікам.
"Дзякуй вам, тым, хто дзеля людзей верыць, хто жыве дзеля людзей, ахвяруе сваім часам, здароўем. Хачу вам ад усяго сэрца як кіраўнік дзяржавы падзякаваць. Будзьце заўсёды са сваім народам. Няма ў свеце больш адданых свяшчэннаслужыцеляў, чым у Беларусі. І самых-самых сумленных больш нідзе няма, - падкрэсліў Прэзідэнт. - Так, свяшчэннікі розныя, як і ўсе мы. Яны ад нашага грамадства. Але самыя адданыя, сумленныя, надзейныя - у Беларусі", - падкрэсліў Прэзідэнт.
Кіраўнік дзяржавы заявіў, што так склалася таму, што ў Беларусі яшчэ засталося тое "светлае, некранутае і незамутненае", што дасталася ў спадчыну ад продкаў.-0-