ДЗЯРЖОРГАНЫДЗЯРЖОРГАНЫ
Флаг Аўторак, 31 студзеня 2023
Мінск -2°C
Усе навіны
Усе навіны
Прэзідэнт
18 лютага 2022, 18:50

Лукашэнка: мы ўпершыню за дзясяткі гадоў апынуліся на парогу канфлікту, здольнага зацягнуць увесь кантынент

Аляксандр Лукашэнка і Уладзімір Пуцін. Фота прэс-службы Прэзідэнта РФ - БЕЛТА
Аляксандр Лукашэнка і Уладзімір Пуцін. Фота прэс-службы Прэзідэнта РФ - БЕЛТА

18 лютага, Масква /Кар. БЕЛТА/. Сустрэча прэзідэнтаў Беларусі і Расіі прайшла на фоне беспрэцэдэнтнага нагнятання ваенна-палітычнай напружанасці ў свеце. Аб гэтым Прэзідэнт Беларусі Аляксандр Лукашэнка заявіў сёння журналістам па выніках перагавораў з Прэзідэнтам Расіі Уладзімірам Пуціным, перадае карэспандэнт БЕЛТА.

"Улічваючы вастрыню сітуацыі, сёння мы з Прэзідэнтам шмат увагі ўдзялілі менавіта гэтай праблематыцы і абмеркавалі нашы магчымыя сумесныя дзеянні як адказ на агрэсіўныя паводзіны заходніх партнёраў, - сказаў беларускі лідар. - Яшчэ раз хачу падкрэсліць: ніхто не хоча не проста вайны, але нават абвастрэння сітуацыі, нейкіх канфліктаў. Нам гэта не трэба - ні расіянам, ні беларусам".

Прэзідэнт адзначыў, што людзі, якія сочаць за развіццём сітуацыі, разумеюць, што цяпер нагнятанне напружанасці залежыць нават не ад Украіны, і гэта відавочна для ўсіх.

"Упершыню за дзясяткі гадоў мы апынуліся на парозе канфлікту, на жаль, здольнага зацягнуць, як у варонку, практычна ўвесь кантынент, - адзначыў Аляксандр Лукашэнка. - Мы бачым сёння ва ўсёй красе безадказнасць і, прабачыце ўжо за шчырасць, неразумнасць шэрага заходніх палітыкаў, паводзіны, што не паддаюцца логіцы і разумнаму тлумачэнню, кіраўнікоў краін-суседак, іх проста-такі балючае жаданне прайсціся па самым краі". У прыватнасці, было згадана аб істотным абвастрэнні сітуацыі на Данбасе, дзе людзі ўжо гатовы бегчы з тэрыторыі.

"У мяне склалася ўражанне, што асобныя надзеленыя высокімі і адказнымі пасадамі палітыкі з так званага свабоднага свету проста паталагічна небяспечныя і для навакольных, і, самае галоўнае, для ўласных народаў", - заўважыў Прэзідэнт.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі