ДЗЯРЖОРГАНЫДЗЯРЖОРГАНЫ
Флаг Серада, 8 снежня 2021
Мінск Суцэльная воблачнасць -12°C
Усе навіны
Усе навіны
Прэзідэнт
15 кастрычніка 2021, 11:49

Лукашэнка: краінам СНД неабходна аб'яднаць намаганні для абароны інтарэсаў на сусветным рынку

15 кастрычніка, Мінск /Кар. БЕЛТА/. Краінам Садружнасці Незалежных Дзяржаў неабходна аб'яднаць намаганні для абароны інтарэсаў на сусветным рынку. Аб гэтым Прэзідэнт Беларусі Аляксандр Лукашэнка заявіў сёння на пасяджэнні Савета кіраўнікоў дзяржаў СНД, перадае карэспандэнт БЕЛТА.

"У мэтах умацавання ролі і вагі Садружнасці лічу неабходным прыняць далейшыя рэальныя крокі па аб'яднанні намаганняў для сумеснай абароны інтарэсаў на сусветным рынку", - сказаў беларускі лідар.

Паводле слоў Прэзідэнта, краінам СНД неабходны актывізацыя ўзаемнага гандлю і інвестыцый, звядзенне да мінімуму штучных бар'ераў. "Толькі аб'яднаўшы намаганні і павысіўшы ролю Садружнасці як рэгіянальнага іграка, мы зможам паспяхова процістаяць усім выклікам і пагрозам", - упэўнены Аляксандр Лукашэнка.

Кіраўнік дзяржавы таксама адзначыў, што ў гэтым годзе Беларусь, і не толькі яна, сутыкнуліся з беспрэцэдэнтным санкцыйным націскам. "Год ад году з-за беспакаранасці і праславутага права сілы меры, якія прымаюцца да нашых краін, становяцца ўсё шырэйшыя і не такія бяскрыўдныя для нашых нацыянальных эканомік", - заявіў беларускі лідар.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі