24 лістапада, Ерэван /Кар. БЕЛТА/. Арганізацыя Дагавора аб калектыўнай бяспецы павінна знаходзіцца "на перадавой" міжнароднага жыцця. Аб гэтым Прэзідэнт Беларусі Аляксандр Лукашэнка заявіў 23 лістапада на пленарным пасяджэнні сесіі Савета калектыўнай бяспекі АДКБ у Ерэване, перадае карэспандэнт БЕЛТА.
"Эфектыўнае пазіцыянаванне АДКБ у сістэме міжнародных адносін праз развіццё супрацоўніцтва з міжнароднымі арганізацыямі і трэцімі краінамі з'яўляецца ключавым фактарам уцягнутасці нашай арганізацыі ў самыя актуальныя праблемы міжнароднага парадку дня. Арганізацыя павінна знаходзіцца "на перадавой" міжнароднага жыцця і адпавядаць выклікам рэгіянальнай і глабальнай бяспекі, якія пастаянна мяняюцца" , - заявіў Прэзідэнт.
Беларускі бок прапануе правесці шырокае абмеркаванне міжнароднага парадку дня ў разрэзе інтарэсаў АДКБ на палях міжнароднай канферэнцыі высокага ўзроўню па праблематыцы еўразійскай бяспекі з запрашэннем вышэйшых службовых асоб сакратарыятаў ААН, ШАС, СНД і іншых міжнародных арганізацый. Мерапрыемства плануецца правесці ў Мінску ў 2023 годзе.-0-
