25 лютага, Мінск /Кар. БЕЛТА/. Прэзідэнт Беларусі Аляксандр Лукашэнка падпісаў сёння ўказ нумар 69 "Аб развіцці рэспубліканскай сістэмы маніторынгу грамадскай бяспекі", паведамілі БЕЛТА ў прэс-службе кіраўніка дзяржавы.
Дакумент прадугледжвае замену дзеючага тэхнічнага аператара рэспубліканскай сістэмы маніторынгу грамадскай бяспекі ТАА "24х7 Панаптэс" на РУП "Белтэлекам". Названае прадпрыемства вызначана як адзіны аператар, адказны за стварэнне і функцыянаванне рэспубліканскай сістэмы маніторынгу грамадскай бяспекі, а таксама захоўванне атрыманай інфармацыі.
Указам таксама прадугледжана інтэграванне ў рэспубліканскую сістэму маніторынгу грамадскай бяспекі спецыяльных тэхнічных сродкаў, якія працуюць у аўтаматычным рэжыме, прызначаных для фіксацыі адміністрацыйных правапарушэнняў, у першую чаргу парушэнняў правіл дарожнага руху.-0-
