22 снежня, Мінск /Кар. БЕЛТА/. Прэзідэнт Беларусі Аляксандр Лукашэнка 22 снежня падпісаў указ нумар 478 "Аб закупках у жыллёва-камунальнай гаспадарцы". Аб гэтым БЕЛТА паведамілі ў прэс-службе кіраўніка дзяржавы.
Мясцовым выканаўчым і распарадчым органам прадастаўлена права вызначаць без правядзення працэдур закупак дзяржаўныя арганізацыі выканаўцамі работ па асвятленні населеных пунктаў за кошт сродкаў мясцовых бюджэтаў, аказанні жыллёва-камунальных паслуг (тэхнічнае абслугоўванне, бягучы рамонт і санітарнае ўтрыманне жылых дамоў, тэхнічнае абслугоўванне ліфтаў, абыходжанне з цвёрдымі камунальнымі адходамі), утрыманні і рамонце аб'ектаў знешняга добраўпарадкавання на тэрыторыях малых і сярэдніх населеных пунктаў.
Арганізацыям ЖКГ прадастаўлена магчымасць набываць сучасную тэхніку і абсталяванне па дагаворах фінансавай арэнды на ўмовах, прадугледжаных для сельскагаспадарчых арганізацый.-0-
