18 мая, Мінск /Кар. БЕЛТА/. Санкцыйны націск у палітыцы ЗША і калектыўнага Захаду ў цэлым не з'яўляецца нечым новым, і пытанне толькі ў тым, наколькі ў той ці іншай дзяржавы хапае сілы волі і духу для процістаяння такім выклікам. Аб гэтым у інтэрв'ю для праекта "У тэме" на YouTube-канале БЕЛТА заявіла афіцыйны прадстаўнік МЗС РФ Марыя Захарава.
"Мы (Расія і Беларусь. - Заўвага БЕЛТА) не адзіныя краіны, якія зведвалі на сабе санкцыі", - заўважыла Марыя Захарава.
Яна нагадала, што на працягу многіх дзесяцігоддзяў пад амерыканскімі санкцыямі знаходзіцца Куба. "І вы паглядзіце, як змяняецца стаўленне ЗША да Кубы ў залежнасці ад палітычнай кан'юнктуры, якая для іх важна на нейкім гістарычным этапе", - сказала Марыя Захарава.
Яшчэ адзін яскравы прыклад - Венесуэла, у адносінах да якой былі не толькі ўведзены санкцыі, але і фактычна назначаны не выбраны кіраўнік дзяржавы. "Не выбранага лідара назначылі псеўдакіраўніком дзяржавы, лічылі магчымым з ім мець справу, прымаць яго ў Белым доме. Пра Гуайдо кажу. Яны пры гэтым не хацелі мець нічога агульнага з сапраўдным выбраным кіраўніком Венесуэлы Мадура, - сказала Марыя Захарава. - Гэта добра адпрацаваны трук ЗША. Вы паглядзіце, як за адну секунду раптам адбылося з Вашынгтонам прасвятленне - дэлегацыя з Вашынгтона была тэрмінова накіравана ў Венесуэлу, калі пытанні энергарэсурсаў сталі перад заходнім светам на поўны рост".
Паводле слоў афіцыйнага прадстаўніка МЗС РФ, у навейшай гісторыі адным з самых яскравых прыкладаў санкцыйнага націску з'яўляецца Кітай, калі была спроба, выкарыстоўваючы ўнутраную сітуацыю, расхістаць звонку кітайскае грамадства. "Падзеі на плошчы Цяньаньмэнь. Калі калектыўны Захад улюлюкаў і падтрымліваў гэтыя дэструктыўныя працэсы. А Кітай абараніў сваё права на суверэнітэт, незалежнасць і ўласнае развіццё. У адносінах да Кітая ж былі прыняты санкцыі. І санкцыйныя спісы, і абмежавальныя меры, і гэтак далей. Але гісторыя пацвердзіла абсалютную правільнасць прынятых у Пекіне тады рашэнняў, якія забяспечылі сённяшняе эканамічнае развіццё і міжнароднае становішча Кітая" - сказала Марыя Захарава.
"Як я гэта называю, падыход іх да чарговага снарада тады быў вельмі сур'ёзным у адносінах да Кітая. Таму не трэба думаць, што мы праходзім нешта новенькае. На жаль, гэта ўсё ўжо адпрацоўвалася. Пытанне толькі ў тым, наколькі ў кожнай дзяржавы і народа хапае сілы волі і духу, цярпення гэта ўсё пераадольваць. Ну і, вядома, годнасці", - рэзюмавала яна.-0-
