3 снежня, Мінск /Кар. БЕЛТА/. Заснавальнік ініцыятывы "Круглы стол дэмакратычных сіл", палітолаг Юрый Васкрасенскі хоча прапанаваць Усебеларускаму народнаму сходу праект палітычнай амністыі. Аб гэтым ён расказаў у праграме "Аб'ектыўНа" на тэлеканале АНТ, паведамляе БЕЛТА.
"Наш "Круглы стол дэмакратычных сіл" выступіў з ідэяй палітычнай амністыі. Мы будзем звяртацца да Усебеларускага народнага сходу з такой ініцыятывай, каб ён падтрымаў і звярнуўся ў Палату прадстаўнікоў, Савет Рэспублікі і да Прэзідэнта з ідэяй палітычнай амністыі для тых, каго цяпер называюць палітзняволенымі", - адзначыў Юрый Васкрасенскі.
На яго думку, калі такое рашэнне ў выніку будзе прынята, гэта стане "вельмі міласэрным і моцным крокам". "Гэта тая перазагрузка, якую ад нас чакае частка грамадства", - падкрэсліў палітолаг.-0-
