1 лютага, Мінск /Кар. БЕЛТА/. Намеснік міністра замежных спраў Сяргей Алейнік сустрэўся з Пастаянным прадстаўніком Праграмы развіцця Арганізацыі Аб'яднаных Нацый у Беларусі Аляксандрай Салаўёвай. Аб гэтым БЕЛТА паведамілі ў прэс-службе МЗС.
Бакі падвялі вынікі ўзаемнага супрацоўніцтва за 2021 год і абмеркавалі праектную дзейнасць ПРААН у Беларусі, у тым ліку мінімізацыю наступстваў распаўсюджвання каранавіруснай інфекцыі ў краіне, падтрымку дзейнасці Нацыянальнага каардынатара па дасягненні Мэт устойлівага развіцця (МУР) і тэматыку Сусветнай гандлёвай арганізацыі.
"Субяседнікі таксама разгледзелі пытанні выканання краінавай праграмы для Беларусі ў 2022 годзе, зрабіўшы акцэнт на неабходнасці прадоўжыць узаемадзеянне па пытаннях аднаўлення пасля COVID-19, дасягнення Беларуссю МУР, запуску праектаў у пацярпелых ад ЧАЭС рэгіёнах, лічбавізацыі, развіцця зялёнай эканомікі ў краіне", - адзначылі ў МЗС.
На сустрэчы дасягнута дамоўленасць аб правядзенні мерапрыемстваў да 30-годдзя супрацоўніцтва Беларусі і ПРААН, якое будзе адзначацца 24 верасня.-0-
