25 чэрвеня, Масква /Эдуард Півавар - БЕЛТА/. Пяцьдзясят восьмая сесія Парламенцкага сходу Саюза Беларусі і Расіі пройдзе 7 ліпеня ў рэжыме відэаканферэнцыі, паведамілі БЕЛТА ў прэс-службе сходу.
На сесіі намечана прызнаць паўнамоцтвы прадстаўнікоў Савета Рэспублікі і Палаты прадстаўнікоў Нацыянальнага сходу Беларусі, дэлегаваных у Парламенцкі сход. Плануецца выбранне першага намесніка старшыні і намеснікаў старшыні Парламенцкага сходу. Акрамя таго, будуць зацверджаны новыя склады камісій і выбраны старшыні камісій.
"Адно з галоўных пытанняў у парадку сесіі - разгляд ходу выканання плана мерапрыемстваў Саюзнай дзяржавы на 2019-2020 гады, прысвечаных 75-годдзю вызвалення Беларусі ад нямецка-фашысцкіх захопнікаў і 75-годдзю Перамогі ў Вялікай Айчыннай вайне, - адзначылі ў прэс-службе. - У парадку дня пасяджэння - шэраг бюджэтных пытанняў. Плануецца абмеркаваць пытанне аб унясенні змяненняў і дапаўненняў у дэкрэт Вышэйшага Дзяржаўнага Савета Саюзнай дзяржавы "Аб бюджэце Саюзнай дзяржавы на 2019 год".-0-
