Мабільная версія
ДЗЯРЖОРГАНЫ

Апошнія навіны
Усе навіны

Румас: далейшая інтэграцыя ў СД магчыма толькі ва ўвязцы з вырашэннем вострых пытанняў эканамічнага супрацоўніцтва

Палітыка 19.11.2019 | 15:17
Сяргей Румас
Сяргей Румас

19 лістапада, Масква /Эдуард Півавар - БЕЛТА/. Далейшая інтэграцыя ў Саюзнай дзяржаве магчыма толькі ва ўвязцы з вырашэннем найбольш вострых пытанняў двухбаковага беларуска-расійскага эканамічнага супрацоўніцтва. Аб гэтым заявіў прэм'ер-міністр Беларусі Сяргей Румас сёння ў Маскве перад пачаткам пасяджэння Савета Міністраў Саюзнай дзяржавы, перадае карэспандэнт БЕЛТА.

Сяргей Румас нагадаў, што 6 верасня прэм'ер-міністры Беларусі і Расіі парафіравалі праект сумеснай праграмы дзеянняў па рэалізацыі Дагавора аб Саюзнай дзяржаве, пасля чаго пачалася работа па падрыхтоўцы 31 дарожнай карты. "Не ўсё ішло проста, па шэрагу напрамкаў бакі выказвалі дыяметральна процілеглыя ідэі інтэгравання, - адзначыў ён. - Па шэрагу дарожных карт і цяпер застаюцца нявырашаныя пытанні. Наша пазіцыя ў перагаворах была выразнай і паслядоўнай: далейшая інтэграцыя магчыма толькі ва ўвязцы з вырашэннем найбольш вострых пытанняў двухбаковага эканамічнага супрацоўніцтва. Сюды мы адносім фарміраванне цэн на нафту і газ, наступствы рэалізацыі падатковага манеўру, бар'еры па доступе тавараў на ўнутраныя нацыянальныя рынкі, неаднолькавыя ўмовы падтрымкі вытворцаў, у тым ліку за кошт субсідый, і іншыя".

Паводле слоў прэм'ер-міністра Беларусі, пакуль не ўсе гэтыя пытанні знайшлі сваё адлюстраванне ў падрыхтаваных дарожных картах. "А калі і знайшлі, то мы пакуль маем розныя тэрміны іх выканання, - канстатаваў ён. - У той жа час для Беларусі асаблівую значнасць набываюць умовы функцыянавання нацыянальнай эканомікі ўжо ў 2020 годзе, паколькі наступствы рэалізацыі ў Расіі падатковага манеўру маюць нарастаючы адмоўны эфект".

"Таму сёння, падводзячы вынікі праведзенай работы па падрыхтоўцы дарожных карт, мы нацэлены на вырашэнне тых пытанняў, якія да гэтага часу застаюцца, умоўна кажучы, за дужкамі. Вырашэнне такіх пытанняў і выразнасць пазіцый па іх вельмі важныя для паўнацэннай падрыхтоўкі пасяджэння Вышэйшага Дзяржаўнага Савета Саюзнай дзяржавы, дзе будзе, як нам бачыцца, дадзены старт новаму этапу пабудовы Саюзнай дзяржавы", - рэзюмаваў Сяргей Румас.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Час стаць прыкметным! У асенне-зімовы перыяд у цёмны час сутак традыцыйна павялічваецца колькасць ДТЗ з удзелам пешаходаў і веласіпедыстаў.