6 ліпеня, Мінск /Кар. БЕЛТА/. Рэгістрацыя кандыдатаў у прэзідэнты праходзіць у Беларусі з 5 па 14 ліпеня ўключна. Такая інфармацыя размешчана на сайце ЦВК, паведамляе БЕЛТА.
Наступным этапам выбарчай кампаніі стане перадвыбарная агітацыя. Так, не пазней за 20 ліпеня будуць надрукаваны агульныя плакаты з біяграфічнымі данымі кандыдатаў у прэзідэнты для размяшчэння на ўчастках для галасавання, а таксама інфармацыйныя матэрыялы, якія накіруюць выбаршчыкам.
Як паведамлялася, дакументы для рэгістрацыі ў Цэнтрвыбаркам падалі сем чалавек. Гэта Віктар Бабарыка, Андрэй Дзмітрыеў, Ганна Канапацкая, Аляксандр Лукашэнка, Святлана Ціханоўская, Валерый Цапкала, Сяргей Чэрачань.
Палата прадстаўнікоў назначыла прэзідэнцкія выбары на 9 жніўня. У адпаведнасці з каляндарным планам датэрміновае галасаванне на выбарах пройдзе з 4 па 8 жніўня. Вынікі Цэнтрвыбаркам павінен падвесці не пазней за 19 жніўня. Другі тур, калі ў ім будзе неабходнасць, згодна з планам павінен прайсці не пазней за двухтыднёвы тэрмін, гэта значыць 23 жніўня.-0-
