ДЗЯРЖОРГАНЫДЗЯРЖОРГАНЫ
Флаг Пятніца, 17 верасня 2021
Мінск Пераменная воблачнасць +8°C
Усе навіны
Усе навіны
Палітыка
10 чэрвеня 2021, 17:40

Расія лічыць непрымальнай палітыку націску ЕС адносна Мінска - Захарава

Марыя Захарава. Фота ТАСС
Марыя Захарава. Фота ТАСС

10 чэрвеня, Мінск /Кар. БЕЛТА/. Расія лічыць непрымальнай палітыку націску Еўрасаюза ў адносінах да Мінска. Аб гэтым заявіла на брыфінгу афіцыйны прадстаўнік МЗС РФ Марыя Захарава, паведамляе ТАСС.

"Відаць, нашы еэсаўскія партнёры вырашылі ва ўсім кіравацца правілам - мэта апраўдвае сродкі, калі шэрагам такіх дарагіх ЕС прынцыпаў у выпадку неабходнасці можна і пагрэбаваць. Гэта датычыцца і пабочных эфектаў санкцый у адносінах да Мінска. Як заявіў у ходзе абмеркавання беларускага сюжэта 8 чэрвеня высокі прадстаўнік ЕС па замежных справах і палітыцы бяспекі Жазэп Барэль, "не разбіўшы яйкі, амлет не зробіш". Хочацца адказаць спадару Жазэпу Барэлю: хочаце амлет, бейце свае яйкі", - сказала Марыя Захарава.

"Падобную логіку выбудоўвання міжнародных адносін, якую цяпер практыкуюць у Бруселі, мы разглядаем як адназначна непрымальную", - дадала Марыя Захарава.

Паводле слоў дыпламата, сітуацыя з экстраннай пасадкай самалёта Ryanair у аэрапорце Мінска стала толькі чарговай падставай для нарошчвання санкцыйнага націску на Беларусь. "Негатыўнае стаўленне нашай краіны да такой практыкі прымянення ЕС аднабаковых абмежаванняў добра вядома, змяненняў у гэтым няма. Абгрунтаваныя пытанні выклікае паспешлівасць, з якой Брусель вырашыў не чакаць аб'ектыўнага міжнароднага расследавання, рашэнне аб запуску якога было прынята Міжнароднай асацыяцыяй грамадзянскай авіяцыі (ІКАО)", - прадоўжыла яна.

Марыя Захарава падкрэсліла, што Расія лічыць неабходным усебаковае вывучэнне абставін здарэння ва ўзаемадзеянні з беларускім бокам. Яна таксама звярнула ўвагу на тое, што Брусель праігнараваў у гэтым кантэксце такі значны для яго "зялёны парадак дня". "Цяпер авіякампаніям краін - членаў Еўрасаюза, якія ўсё яшчэ прадаўжаюць адчуваць на сабе наступствы каранакрызісу, даводзіцца несці дадатковыя выдаткі, звязаныя з павелічэннем адлегласці палётаў у абход Беларусі... Дзіўна, што яны ў рэалізацыі сваіх палітычных рашэнняў на практыцы зусім упускаюць з-пад увагі гэты вельмі цікавы нюанс", - адзначыла афіцыйны прадстаўнік МЗС РФ.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі