25 студзеня, Мінск /Кар. БЕЛТА/. Прэм'ер-міністр Беларусі Раман Галоўчанка правёў тэлефонную размову з прэм'ер-міністрам Азербайджана Алі Асадавым, паведамілі БЕЛТА ў прэс-службе беларускага ўрада.
Кіраўнікі ўрадаў абмеркавалі вынікі гандлёва-эканамічнага супрацоўніцтва, дасягнутыя ў 2021 годзе, і намецілі планы па яго развіцці ў бягучым годзе. У ходзе размовы было адзначана, што, нягледзячы на пандэмію каранавіруса і крызісныя з'явы ў сусветнай эканоміцы, Беларусі і Азербайджану ўдалося значна нарасціць аб'ёмы ўзаемнага гандлю. За 11 месяцаў 2021 года агульнымі намаганнямі забяспечаны рост тавараабароту ў 2 разы ў параўнанні з аналагічным перыядам 2020 года (каля $800 млн), пры гэтым беларускі экспарт вырас у 2,5 раза і склаў $448 млн.
Бакі абмеркавалі ход рэалізацыі буйных кааперацыйных праектаў у галіне прамысловасці.
Акрамя таго, прэм'ер-міністры разгледзелі магчымасць спрашчэння ўзаемных паездак грамадзян ва ўмовах пандэміі COVID-19.
Кіраўнікі ўрадаў таксама дамовіліся ўзмацніць узаемадзеянне ў мэтах выканання дамоўленасцей, дасягнутых у час сустрэчы прэзідэнтаў Беларусі і Азербайджана ў красавіку 2021 года.
Раман Галоўчанка і Алі Асадаў абмеркавалі маючыя адбыцца ў 2022 годзе двухбаковыя мерапрыемствы, уключаючы правядзенне ў бліжэйшы час пасяджэння міжурадавай беларуска-азербайджанскай камісіі па гандлёва-эканамічным супрацоўніцтве, а таксама графік будучых кантактаў на ўзроўні кіраўнікоў урадаў.-0-
