ДЗЯРЖОРГАНЫДЗЯРЖОРГАНЫ
Флаг Пятніца, 17 верасня 2021
Мінск Пераменная воблачнасць +8°C
Усе навіны
Усе навіны
Палітыка
26 мая 2021, 09:01

Пасольства Беларусі ў Канадзе павінна закрыцца да 1 кастрычніка

26 мая, Мінск /Кар. БЕЛТА/. Пасольства Беларусі ў Канадзе павінна закрыцца да 1 кастрычніка 2021 года. Гэта прадугледжана пастановай Савета Міністраў нумар 287 ад 22 мая 2021 года, якая сёння афіцыйна апублікавана на Нацыянальным прававым інтэрнэт-партале, паведамляе БЕЛТА.

Міністэрству замежных спраў даручана прыняць меры па закрыцці беларускага дыпламатычнага прадстаўніцтва ў Канадзе і ажыццяўляць фінансаванне адпаведных расходаў.

Пастанова ўступае ў сілу з дня яе афіцыйнага апублікавання.

На сайце беларускага пасольства ў Канадзе гаворыцца, што грамадзяне Беларусі, якія пражываюць у Канадзе, пасля закрыцця дыпмісіі змогуць звяртацца па ажыццяўленне консульскіх дзеянняў у генеральнае консульства Беларусі ў Нью-Ёрку (ЗША).

"Грамадзяне Беларусі, якія знаходзяцца на пастаянным консульскім уліку ў пасольстве Беларусі ў Канадзе, з 1 верасня 2021 года таксама будуць пераведзены на пастаянны консульскі ўлік у генконсульства ў Нью-Ёрку. Жадаючыя знаходзіцца на пастаянным консульскім уліку ў іншай загранустанове Беларусі павінны накіраваць у пасольства Беларусі ў Канадзе заяву аб пастаноўцы на пастаянны консульскі ўлік у выбраную загранустанову да 1 ліпеня 2021 года", - гаворыцца ў паведамленні.

У сувязі з закрыццём пасольства ўстаноўлены тэрміны спынення прыёму дакументаў для выканання консульскіх дзеянняў. З усімі падрабязнасцямі можна азнаёміцца на сайце дыпламатычнага прадстаўніцтва.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі