21 лютага, Мінск /Кар. БЕЛТА/. Надзвычайны і Паўнамоцны Пасол Беларусі ў Эквадоры Мікалай Аўсянка 20 лютага ўручыў даверчыя граматы прэзідэнту Эквадора Леніну Марэна Гарсесу. Аб гэтым БЕЛТА паведамілі ў прэс-службе МЗС Беларусі.
"У ходзе размовы бакі абмеркавалі перспектывы нарошчвання кантактаў паміж дзвюма краінамі, уключаючы развіццё міжурадавага дыялогу і пашырэнне гандлёва-эканамічнага супрацоўніцтва", - праінфармавалі ў МЗС.
Прэзідэнт Эквадора высока адазваўся аб беларускай сельскагаспадарчай тэхніцы, у тым ліку аб трактарах "Беларус", і падкрэсліў зацікаўленасць у развіцці супрацоўніцтва ў галіне інфармацыйных тэхналогій, прамысловасці і паслуг.-0-