4 сакавіка, Мінск /Кар. БЕЛТА/. Ізаляваць эканоміку Саюзнай дзяржавы ад знешняга свету Захаду не ўдасца. Такое меркаванне ў эфіры тэлеканала "Беларусь 1" выказаў дацэнт эканамічнага факультэта МДУ, расійскі палітолаг Максім Чыркоў, паведамляе БЕЛТА.
"Тым ці іншым спосабам ізаляваць расійскую эканоміку або эканоміку Саюзнай дзяржавы ад знешняга свету проста не атрымаецца. На сённяшні дзень зразумела, што тыя санкцыі, якія ўводзяцца ў адносінах да Расіі, доўга існаваць не змогуць. І гэта ў многім ужо бачна. Дапусцім, што датычыцца авіязносін. Гэта настолькі нязручна. У першыя дні было зразумела, што гэта ўжо датычыцца звычайных людзей і будзе велізарная колькасць незадаволеных людзей як у Еўропе, краінах Захаду, так і ў Расіі", - сказаў Максім Чыркоў.
Паводле яго слоў, усе абмежаванні, якімі спрабуюць запалохаць Расію і Беларусь, толькі даказваюць безразважную палітыку ўдзельнікаў санкцыйнага процістаяння.
"Абмежаванні пасля заканчэння такой гарачай фазы канфлікту на тэрыторыі сумежнай дзяржавы, напэўна, не хутка, але паступова і ўстойліва пачнуць здымацца. Таму што гэта прыносіць вялікую нязручнасць грамадзянам краін, якія ўдзельнічаюць у санкцыйным процістаянні. Вельмі вялікі ўрон эканоміцы дзяржаў, якія ўдзельнічаюць у санкцыйным процістаянні", - канстатаваў палітолаг.-0-
