29 ліпеня, Мінск /Кар. БЕЛТА/. Ад Еўропы ідзе пагроза рэваншызму, таму што яна зрабіла не ўсе высновы пасля 1945 года. Такое меркаванне карэспандэнту БЕЛТА ў Дзень вызвалення Брэста ад нямецка-фашысцкіх захопнікаў выказаў расійскі палітолаг Ігар Кузняцоў.
"Паколькі мінула шмат часу, ёсць пагроза не толькі адраджэння неанацызму, фашызму і іншых радыкальных ідэалогій, ёсць пагроза агрэсіўнага рэваншызму, аднаўлення агрэсіўнай рыторыкі. Корань праблемы, мне здаецца, звязаны з крызіснымі з'явамі ў самім Еўрасаюзе і на Захадзе ў цэлым. Але ўспамінаць пра тыя гады, калі аб'яднаная пад крылом нямецкіх нацыянал-сацыялістаў і італьянскіх фашыстаў Еўропа рушыла на ўсход, ім не з рукі. Паколькі перагледзець вынікі Другой сусветнай вайны ўсё яшчэ не ўдаецца поўнасцю", - сказаў палітолаг.
Ён падкрэсліў, што такія спробы робяцца, але яны знаходзяць дастойны адпор. "Залогам упэўненасці ў тым, што гісторыя не будзе перапісана, можа стаць толькі адзінства народа, які перамог фашызм, перш за ўсё расіян, беларусаў і ўкраінцаў. Так, ва Украіне ідзе адраджэнне неанацызму, прычым гэта прадаўжаецца ўжо дзесяцігоддзі. Культывуюцца тыя пункты гледжання, што раней і да гэтага часу лічацца вельмі небяспечнымі і шкоднымі: ідэалогія Бандэры, Шухевіча і іншых дзеячаў, якія займалі радыкальную нацыяналістычную пазіцыю. Але я ўпэўнены, што не ўся Украіна неанацысцкая - яна розная. У гэтай краіне яшчэ ж ёсць ветэраны і іх дзеці, якія па расказах бацькоў памятаюць аб Вялікай Айчыннай вайне і нашай агульнай барацьбе, аб нашай агульнай дзяржаве - СССР. Але, на жаль, ва Украіне маргіналы ўзурпіравалі ўладу і таму іх пазіцыя найбольш прыкметная", - лічыць Ігар Кузняцоў.
Ён звязвае ўзнікненне неанацызму ва Украіне са змяненнем пакалення. "Старэйшае пакаленне цудоўна ведае рэальную гісторыю Другой сусветнай вайны, а вось два апошнія, якія атрымалі адукацыю ў постсавецкі час, ужо маюць скажонае ўяўленне, перавернутае. Адносна іх і ўзнікае самая вялікая небяспека росквіту неанацызму. Паколькі людзі, якія былі сацыялізаваны яшчэ ў часы СССР, маюць канкрэтную прышчэпку ад неанацызму і базіс ведаў. Я не гавару аб тых, хто ўцягнуты ў палітыку прыняцця рашэнняў і ідэалагічна заточаны пад неанацызм. Лінія на сацыялізацыю такіх настроеных на палітычны рэваншызм людзей будзе прадаўжацца", - упэўнены палітолаг.-0-
