ДЗЯРЖОРГАНЫДЗЯРЖОРГАНЫ
Флаг Субота, 4 снежня 2021
Мінск -3°C
Усе навіны
Усе навіны
Палітыка
15 кастрычніка 2021, 14:58

Наступнае пасяджэнне Савета кіраўнікоў дзяржаў СНД пройдзе 14 кастрычніка 2022 года ў Нур-Султане

Сяргей Лебедзеў
Сяргей Лебедзеў

15 кастрычніка, Мінск /Кар. БЕЛТА/. Наступнае пасяджэнне Савета кіраўнікоў дзяржаў СНД пройдзе 14 кастрычніка 2022 года ў Нур-Султане, паведаміў сёння журналістам па выніках пасяджэння Савета кіраўнікоў дзяржаў СНД старшыня Выканаўчага камітэта - выканаўчы сакратар СНД Сяргей Лебедзеў, перадае карэспандэнт БЕЛТА.

"У дакументах, прадстаўленых кіраўнікам дзяржаў для падпісання, значыцца, што наступнае пасяджэнне Савета кіраўнікоў дзяржаў пройдзе 14 кастрычніка наступнага года ў горадзе Нур-Султане", - сказаў Сяргей Лебедзеў.

Паводле яго слоў, магчымы і нефармальныя сустрэчы кіраўнікоў дзяржаў Садружнасці. "На працягу некалькіх гадоў праходзяць таксама нефармальныя сустрэчы кіраўнікоў дзяржаў. Сёння гэтаму перашкаджае пандэмія, але мы ўсе вельмі спадзяёмся, што ў рэшце рэшт мы зможам перамагчы гэту хваробу і зноў вернемся да той сітуацыі, калі зможам сустракацца ў вочным фармаце. Калі такая магчымасць прадаставіцца, то я глыбока ўпэўнены, адбудуцца і нефармальныя сустрэчы кіраўнікоў дзяржаў СНД", - адзначыў старшыня Выканаўчага камітэта.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі