ДЗЯРЖОРГАНЫДЗЯРЖОРГАНЫ
Флаг Нядзеля, 3 ліпеня 2022
Мінск +26°C
Усе навіны
Усе навіны
Палітыка
04 лютага 2022, 16:43

МЗС расказала падрабязнасці размовы Макея з памочнікам дзяржсакратара ЗША Карэн Донфрыд

Фота з архіва
Фота з архіва

4 лютага, Мінск /Кар. БЕЛТА/. У Міністэрстве замежных спраў расказалі падрабязнасці праведзенай размовы паміж кіраўніком МЗС Уладзімірам Макеем і памочнікам дзяржаўнага сакратара ў еўрапейскіх і еўразійскіх справах Карэн Донфрыд, паведамляе БЕЛТА.

"Так, сапраўды, учора такая размова адбылася па ініцыятыве амерыканскага боку. На самай справе закранаўся даволі шырокі спектр пытанняў, хоць аднабокая падача Дзярждэпартаментам інфармацыі аб змесце размовы ўжо зусім не здзіўляе", - паведаміў журналістам прэс-сакратар беларускага знешнепалітычнага ведамства Анатоль Глаз.

Паводле яго слоў, бакі перш за ўсё абмеркавалі актуальную сітуацыю ў рэгіёне. "Да амерыканскага боку было даведзена наша бачанне працэсаў, якія адбываюцца, яны падзяліліся сваімі заклапочанасцямі. У гэтым кантэксце, вядома - і гэта было падкрэслена міністрам, - выдумкі аб нейкай ініцыятыўнай ваеннай агрэсіі з тэрыторыі Беларусі ў адносінах да Украіны з'яўляюцца проста смехатворнымі. Шчыра кажучы, любы беларус, напэўна, разумее, што такія выдумкі, у прынцыпе, могуць існаваць толькі ў галовах гора-стратэгаў і аналітыкаў, якія вельмі далёкія ад нашага рэгіёна", - заявіў прэс-сакратар.

"У сувязі з цікавасцю амерыканскага боку таксама асабліва акцэнтавана, што планавыя ваенныя вучэнні на тэрыторыі нашай краіны, вакол якіх разгорнута сапраўдная істэрыя на Захадзе, праводзяцца якраз у сувязі з відавочным нагнятаннем напружанасці каля нашых граніц", - падкрэсліў Анатоль Глаз.

У ходзе размовы закранаўся двухбаковы парадак дня, уключаючы бачанне Мінскім шляхоў выхаду з існуючай сітуацыі ў беларуска-амерыканскіх адносінах, і ўнутрыпалітычныя працэсы ў Беларусі напярэдадні канстытуцыйнага рэфэрэндуму.

"Субяседніца таксама выказала традыцыйны набор штампаў па праваабарончай тэматыцы. Міністр адназначна заявіў, што ацэнкі нашымі заходнімі партнёрамі сітуацыі ўнутры і вакол Беларусі, на жаль, прадаўжаюць грунтавацца на памылковых пасылах і па-ранейшаму далёкія ад рэальнасці", - расказаў афіцыйны прадстаўнік МЗС.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі