4 жніўня, Мінск /Кар. БЕЛТА/. У Рэспубліцы Беларусь уважліва сочаць за пазітыўнымі зрухамі ў працэсе нармалізацыі азербайджана-армянскіх адносін і шчыра зацікаўлены ў дасягненні трывалага міру і стабільнасці, разблакіраванні транспартных камунікацый у рэгіёне Паўднёвага Каўказа. Аб гэтым гаворыцца ў заяве МЗС Беларусі ў сувязі з эскалацыяй напружанасці ў Нагорным Карабаху, паведамляе БЕЛТА.
"У сувязі з гэтым выказваем глыбокую заклапочанасць у сувязі з чарговым абвастрэннем узброенага процістаяння ў Карабаху, - адзначаецца ў дакуменце. - Заклікаем братэрскія для нас азербайджанскі і армянскі народы да стрыманасці".
"Зыходзім з таго, што Баку і Ерэван праявяць мудрасць і разважлівасць. Выказваем надзею на поўнае і безумоўнае выкананне дамоўленасцей, заключаных бакамі пры пасрэдніцтве Расіі", - гаворыцца ў заяве.
У МЗС Беларусі перакананы ў магчымасці дасягнення кампрамісаў палітыка-дыпламатычнымі сродкамі ў рамках існуючых перагаворных фарматаў.-0-
