8 снежня, Мінск /Кар. БЕЛТА/. Беларусь зацікаўлена ў супрацоўніцтве з Кеніяй па розных напрамках. Гэта адзначыла старшыня Савета Рэспублікі Наталля Качанава на сустрэчы з парламенцкай дэлегацыяй Кеніі на чале са спікерам Сената Рэспублікі Кенія Амазонам Джэфа Кінгі, які прыбыў у нашу краіну з афіцыйным візітам, перадае карэспандэнт БЕЛТА.
"Наша краіна выбудоўвае дружалюбныя, добрыя адносіны з усімі краінамі, якія нацэлены на канструктыўнае, узаемавыгаднае супрацоўніцтва. Прэзідэнт нашай краіны вельмі часта падкрэслівае, што будучыня - за Афрыканскім кантынентам. Мы спадзяёмся, што ваш візіт упіша новую старонку ў парламенцкае супрацоўніцтва паміж нашымі краінамі, якое будзе перш за ўсё нацэлена на выкананне тых дамоўленасцей, якія дасягнуты на вышэйшым узроўні", - сказала Наталля Качанава.
Старшыня Савета Рэспублікі адзначыла, што ў сучасным свеце міжпарламенцкае ўзаемадзеянне набывае асаблівае значэнне. "Вядома, мы шчыра рады таму, што паміж парламентарыямі нашых краін складваюцца такія добрыя, дружалюбныя адносіны", - сказала спікер.
Разам з тым для выбудоўвання супрацоўніцтва па ўсіх напрамках - як у эканамічнай, так і гуманітарнай сферах - парламентарыі павінны актыўна ўключыцца ў рэалізацыю пастаўленых задач, падкрэсліла Наталля Качанава. Беларускія парламентарыі нацэлены перш за ўсё на далейшае супрацоўніцтва ў рамках міжнародных парламенцкіх арганізацый, такіх як Парламенцкая сетка Руху недалучэння і Панафрыканскі парламент (Нацыянальны сход Беларусі, дарэчы, мае статус наглядальніка пры гэтым органе).
Наталля Качанава звярнула ўвагу на тое, што міжпарламенцкае ўзаемадзеянне накіравана на супрацоўніцтва ва ўсіх сферах жыццядзейнасці і падзякавала кенійскаму боку за ўдзел у назіранні за выбарамі Прэзідэнта Беларусі і за аб'ектыўную ацэнку.
Яна падкрэсліла: "Наша краіна гатова прапанаваць Кеніі тэхналогіі ў сферы аграпрамысловага комплексу, прамысловасці. Беларусь пастаўляе прадукты харчавання, якія вядомы высокай якасцю, у больш як 110 краін свету. Мы з'яўляемся лідарамі па пастаўках калійных угнаенняў і разумеем, наколькі важна харчовая бяспека для кожнай краіны. Акрамя таго, гатовы прапанаваць супрацоўніцтва ў гуманітарнай сферы, у адукацыі - у нас шмат праграм па навучанні замежных спецыялістаў".
Старшыня Савета Рэспублікі таксама выказала ўпэўненасць у неабходнасці нарошчвання ўзаемнага тавараабароту, паказчыкі якога пакуль невялікія.
Наталля Качанава адзначыла, што праграма наведвання Беларусі для кенійскага калегі выбудавана такім чынам, каб пазнаёміць яго з работай беларускіх прадпрыемстваў. У прыватнасці, у праграме - Мінскі трактарны завод, ААТ "Агракамбінат Дзяржынскі", Парк высокіх тэхналогій, Мінскі навукова-практычны цэнтр хірургіі, транспланталогіі і гематалогіі.
"Мы разлічваем, што ваш візіт і наведванне нашых прадпрыемстваў нададуць імпульс двухбаковаму супрацоўніцтву. Мы можам вельмі цесна і плённа супрацоўнічаць. У нас ёсць рэзультатыўныя прыклады ўзаемадзеяння з афрыканскімі краінамі, рэалізуюцца праграмы з Зімбабвэ, Нігерыяй. Мы запусцілі праграму па забеспячэнні сельскагаспадарчай тэхнікай аграрных прадпрыемстваў у Зімбабвэ. І гэта супрацоўніцтва з'яўляецца ўзаемавыгадным", - прадоўжыла яна.
Старшыня Савета Рэспублікі таксама адзначыла зацікаўленасць дзвюх краін у міжрэгіянальным супрацоўніцтве і сказала аб гатоўнасці беларускага боку прымаць дэлегацыі з розных рэгіёнаў Кеніі, каб у далейшым падпісаць пагадненні аб супрацоўніцтве. Яна таксама звярнула ўвагу на ролю Савета Рэспублікі ў развіцці міжрэгіянальных кантактаў, у тым ліку з Расіяй, Узбекістанам. "Магчыма, і з Кеніяй мы выбудуем такія ж цікавыя праекты, якія будуць садзейнічаць супрацоўніцтву паміж нашымі народамі і краінамі", - заявіла Наталля Качанава.
Яна расказала пра адукацыйныя праграмы для замежных студэнтаў. "Мы былі б рады, калі б кенійскія хлопцы і дзяўчаты паступалі ў нашы навучальныя ўстановы. 1600 студэнтаў з афрыканскіх краін вучацца сёння ў беларускіх навучальных установах. Вядома, мы былі б удзячныя за ўзаемадзеянне ў плане супрацоўніцтва паміж маладзёжнымі арганізацыямі. Пры Савеце Рэспублікі ёсць маладзёжны савет. Я ўпэўнена, што гэта вельмі перспектыўны напрамак", - адзначыла Наталля Качанава.
Старшыня Савета Рэспублікі рэзюмавала: "Мы гатовы супрацоўнічаць па ўсіх напрамках, якія вызначаюць развіццё нашых краін. Ваш візіт - яркая старонка ў міжпарламенцкім узаемадзеянні паміж нашымі краінамі".
Наталля Качанава і Амазон Джэфа Кінгі па выніках перагавораў падпісалі мемарандум аб супрацоўніцтве.-0-
"Наша краіна выбудоўвае дружалюбныя, добрыя адносіны з усімі краінамі, якія нацэлены на канструктыўнае, узаемавыгаднае супрацоўніцтва. Прэзідэнт нашай краіны вельмі часта падкрэслівае, што будучыня - за Афрыканскім кантынентам. Мы спадзяёмся, што ваш візіт упіша новую старонку ў парламенцкае супрацоўніцтва паміж нашымі краінамі, якое будзе перш за ўсё нацэлена на выкананне тых дамоўленасцей, якія дасягнуты на вышэйшым узроўні", - сказала Наталля Качанава.
Старшыня Савета Рэспублікі адзначыла, што ў сучасным свеце міжпарламенцкае ўзаемадзеянне набывае асаблівае значэнне. "Вядома, мы шчыра рады таму, што паміж парламентарыямі нашых краін складваюцца такія добрыя, дружалюбныя адносіны", - сказала спікер.
Разам з тым для выбудоўвання супрацоўніцтва па ўсіх напрамках - як у эканамічнай, так і гуманітарнай сферах - парламентарыі павінны актыўна ўключыцца ў рэалізацыю пастаўленых задач, падкрэсліла Наталля Качанава. Беларускія парламентарыі нацэлены перш за ўсё на далейшае супрацоўніцтва ў рамках міжнародных парламенцкіх арганізацый, такіх як Парламенцкая сетка Руху недалучэння і Панафрыканскі парламент (Нацыянальны сход Беларусі, дарэчы, мае статус наглядальніка пры гэтым органе).
Наталля Качанава звярнула ўвагу на тое, што міжпарламенцкае ўзаемадзеянне накіравана на супрацоўніцтва ва ўсіх сферах жыццядзейнасці і падзякавала кенійскаму боку за ўдзел у назіранні за выбарамі Прэзідэнта Беларусі і за аб'ектыўную ацэнку.
Яна падкрэсліла: "Наша краіна гатова прапанаваць Кеніі тэхналогіі ў сферы аграпрамысловага комплексу, прамысловасці. Беларусь пастаўляе прадукты харчавання, якія вядомы высокай якасцю, у больш як 110 краін свету. Мы з'яўляемся лідарамі па пастаўках калійных угнаенняў і разумеем, наколькі важна харчовая бяспека для кожнай краіны. Акрамя таго, гатовы прапанаваць супрацоўніцтва ў гуманітарнай сферы, у адукацыі - у нас шмат праграм па навучанні замежных спецыялістаў".
Старшыня Савета Рэспублікі таксама выказала ўпэўненасць у неабходнасці нарошчвання ўзаемнага тавараабароту, паказчыкі якога пакуль невялікія.
Наталля Качанава адзначыла, што праграма наведвання Беларусі для кенійскага калегі выбудавана такім чынам, каб пазнаёміць яго з работай беларускіх прадпрыемстваў. У прыватнасці, у праграме - Мінскі трактарны завод, ААТ "Агракамбінат Дзяржынскі", Парк высокіх тэхналогій, Мінскі навукова-практычны цэнтр хірургіі, транспланталогіі і гематалогіі.
"Мы разлічваем, што ваш візіт і наведванне нашых прадпрыемстваў нададуць імпульс двухбаковаму супрацоўніцтву. Мы можам вельмі цесна і плённа супрацоўнічаць. У нас ёсць рэзультатыўныя прыклады ўзаемадзеяння з афрыканскімі краінамі, рэалізуюцца праграмы з Зімбабвэ, Нігерыяй. Мы запусцілі праграму па забеспячэнні сельскагаспадарчай тэхнікай аграрных прадпрыемстваў у Зімбабвэ. І гэта супрацоўніцтва з'яўляецца ўзаемавыгадным", - прадоўжыла яна.
Старшыня Савета Рэспублікі таксама адзначыла зацікаўленасць дзвюх краін у міжрэгіянальным супрацоўніцтве і сказала аб гатоўнасці беларускага боку прымаць дэлегацыі з розных рэгіёнаў Кеніі, каб у далейшым падпісаць пагадненні аб супрацоўніцтве. Яна таксама звярнула ўвагу на ролю Савета Рэспублікі ў развіцці міжрэгіянальных кантактаў, у тым ліку з Расіяй, Узбекістанам. "Магчыма, і з Кеніяй мы выбудуем такія ж цікавыя праекты, якія будуць садзейнічаць супрацоўніцтву паміж нашымі народамі і краінамі", - заявіла Наталля Качанава.
Яна расказала пра адукацыйныя праграмы для замежных студэнтаў. "Мы былі б рады, калі б кенійскія хлопцы і дзяўчаты паступалі ў нашы навучальныя ўстановы. 1600 студэнтаў з афрыканскіх краін вучацца сёння ў беларускіх навучальных установах. Вядома, мы былі б удзячныя за ўзаемадзеянне ў плане супрацоўніцтва паміж маладзёжнымі арганізацыямі. Пры Савеце Рэспублікі ёсць маладзёжны савет. Я ўпэўнена, што гэта вельмі перспектыўны напрамак", - адзначыла Наталля Качанава.
Старшыня Савета Рэспублікі рэзюмавала: "Мы гатовы супрацоўнічаць па ўсіх напрамках, якія вызначаюць развіццё нашых краін. Ваш візіт - яркая старонка ў міжпарламенцкім узаемадзеянні паміж нашымі краінамі".
Наталля Качанава і Амазон Джэфа Кінгі па выніках перагавораў падпісалі мемарандум аб супрацоўніцтве.-0-
Падпісвайцеся на нас у
