Сцяг Аўторак, 19 сакавіка 2024
Усе навіны
Усе навіны
Палітыка
27 верасня 2021, 17:44

Макей у ААН: Беларусь больш за год застаецца мішэнню ваяўнічага націску з боку Захаду

27 верасня, Мінск /Кар. БЕЛТА/. Беларусь больш за год застаецца мішэнню ваяўнічага націску з боку калектыўнага Захаду. Аб гэтым міністр замежных спраў Беларусі Уладзімір Макей заявіў сёння, выступаючы ў Нью-Ёрку на 76-й сесіі Генеральнай Асамблеі ААН, перадае карэспандэнт БЕЛТА.

"Нягледзячы на ўсеагульныя заклікі да ўмацавання бяспекі, шматбаковасці, салідарнасці і ўзаемадапамогі, ​​якія штогод гучаць у гэтых сценах, свет сёння дасягнуў найвышэйшай ступені канфрантацыі. Беларусь таксама аказалася ўцягнутай не па сваёй волі ў бездань гэтай геапалітычнай вайны. Наша краіна больш за год прадаўжае заставацца мішэнню ваяўнічага націску з боку калектыўнага Захаду. І ўсё толькі таму, што ў Беларусі не ўдалося рэалізаваць адшліфаваны да дасканаласці сцэнарый чарговай каляровай рэвалюцыі, прымеркаванай да прэзідэнцкіх выбараў. Сёння супраць Беларусі развязана маштабная гібрыдная вайна па ўсіх напрамках", - сказаў Уладзімір Макей.

Паводле слоў міністра, здзіўляе дасканаласць аўтараў у вынаходстве прыгожых, але крывадушных эпітэтаў для апраўдання сваіх дзеянняў - гэта "меры падтрымкі дэмакратыі", "сектаральныя абмежаванні" або "садзейнічанне дабрабыту народа" і "суверэнітэту дзяржавы".

"Аднак іх сутнасць відавочная: Захад усё яшчэ ніяк не можа змірыцца з выбарам большасці беларусаў, таму што гэты выбар беларускіх выбаршчыкаў расстроіў планы асобных стратэгаў. Бліцкрыгу па змене ўлады ў Беларусі не атрымалася. Больш таго, Захад вельмі хутка страціў "вуліцу" з яе арганізаванымі звонку пратэснымі настроямі. Разлік не апраўдаўся. Беларусь прадаўжае паслядоўна і паспяхова развівацца і ісці сваім самастойна выбраным шляхам", - падкрэсліў кіраўнік МЗС.

Ён заявіў, што сёння беларускі народ адзіны ў выбары стратэгічнага курсу на пабудову моцнай, суверэннай і квітнеючай дзяржавы: "Менавіта на гэта нацэлена інклюзіўная канстытуцыйная рэформа, якая завяршаецца ў Беларусі і ў якой удзельнічаюць усе слаі насельніцтва краіны".

"Каб і далей дэманізаваць Беларусь, выставіць яе крыніцай напружанасці ў рэгіёне і апраўдаць свае дэструктыўныя дзеянні ў адносінах да нашай дзяржавы, Захад сфабрыкаваў канфліктную сітуацыю з бежанцамі на заходніх граніцах Беларусі, забыўшы пра свае міжнародныя абавязацельствы як у адносінах да нашай краіны, так і ў адносінах да краін паходжання бежанцаў", - дадаў міністр.-0-

Падпісвайцеся на нас у
Twitter
Топ-навіны
Свежыя навіны Беларусі