11 мая, Мінск /Кар. БЕЛТА/. Міністр замежных спраў Беларусі Уладзімір Макей прыняў копіі даверчых грамат Надзвычайнага і Паўнамоцнага Пасла Аб'яднаных Арабскіх Эміратаў у Рэспубліцы Беларусь Ібрагіма Саліма Махамеда аль-Мушараха. Аб гэтым БЕЛТА паведамілі ў прэс-службе МЗС Беларусі.
У ходзе сустрэчы абмеркаваны бягучы стан і перспектывы беларуска-эмірацкага ўзаемадзеяння, пацверджана ўзаемная зацікаўленасць у яго ўсебаковай актывізацыі. Асаблівая ўвага была ўдзелена паглыбленню гандлёва-эканамічнага і інвестыцыйнага супрацоўніцтва.
Субяседнікі дэталёва абмяняліся думкамі аб развіцці сітуацыі ў еўрапейскім і блізкаўсходнім рэгіёнах, у тым ліку ў кантэксце перспектыў урэгулявання ўкраінскага канфлікту.-0-
