Мабільная версія
II Еўрапейскія гульні
ДЗЯРЖОРГАНЫ

Апошнія навіны
Усе навіны

Купчына выбрана старшынёй рэгіянальнай падрыхтоўчай нарады да кангрэса ААН у Кіёта

Палітыка 24.04.2019 | 09:00
Алена Купчына. Фота з архіва
Алена Купчына. Фота з архіва

24 красавіка, Мінск /Кар. БЕЛТА/. Пастаянны прадстаўнік Беларусі пры міжнародных арганізацыях у Вене Алена Купчына выбрана старшынёй Еўрапейскай рэгіянальнай падрыхтоўчай нарады да XIV Кангрэса ААН па папярэджанні злачыннасці і крымінальным правасуддзі. Аб гэтым паведамілі БЕЛТА ў прэс-службе МЗС Беларусі.

У Венскім міжнародным цэнтры пачала работу Еўрапейская рэгіянальная падрыхтоўчая нарада, у якой удзельнічаюць больш за 50 дэлегацый дзяржаў - членаў Еўрапейскай эканамічнай камісіі ААН, краіны-наглядальнікі, міжурадавыя і няўрадавыя арганізацыі.

На кангрэсе па папярэджанні злачыннасці і крымінальным правасуддзі будуць разгледжаны стратэгіі папярэджання злачыннасці ў інтарэсах сацыяльна-эканамічнага развіцця і комплексныя падыходы ў вырашэнні праблем крымінальнага правасуддзя, а таксама барацьба з тэрарызмам і тэндэнцыі ў галіне злачыннасці, выкарыстанне сучасных тэхналогій як сродку ўчынення злачынстваў і інструменту барацьбы са злачыннасцю.

Гэту маштабную канферэнцыю ААН праводзіць раз у пяць гадоў. Кангрэс, які адбудзецца 20-27 красавіка 2020 года ў Кіёта (Японія), стане першым такім мерапрыемствам пасля прыняцця парадку дня ў галіне ўстойлівага развіцця на перыяд да 2030 года. Яго работа сфакусіруецца на ўзаемасувязі пытанняў вяршэнства права і эфектыўнага правасуддзя з дасягненнем Мэт устойлівага развіцця. Перад работай кангрэсаў традыцыйна праводзяцца рэгіянальныя падрыхтоўчыя нарады, мэтай якіх з'яўляецца падрыхтоўка рэкамендацый для разгляду на кангрэсе.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Акцыя "Увага - дзеці!" Напярэдадні летніх канікулаў у Беларусі праходзіць акцыя "Увага - дзеці!". Тэрміны акцыі: 25 мая - 5 чэрвеня. Мэта - пазбегнуць траўматызму дзяцей на дарогах.