Мабільная версія
ДЗЯРЖОРГАНЫ

Апошнія навіны
ІНФАГРАФІКА: Машынабудаванне Беларусі
18 Кастрычнік, 18:52 Стужка навiн
Усе навіны

Краўчанка на сустрэчах у ЗША абмеркаваў развіццё беларуска-амерыканскіх сувязей

Палітыка 03.05.2019 | 15:38
Фота з архіва
Фота з архіва

3 мая, Мінск /Аліна Грышкевіч - БЕЛТА/. Намеснік міністра замежных спраў Беларусі Алег Краўчанка 29 красавіка - 2 мая наведаў Вашынгтон, дзе правёў шэраг сустрэч і перагавораў, паведамілі БЕЛТА ў прэс-службе МЗС.

У прыватнасці, адбылася сустрэча са спецыяльным памочнікам прэзідэнта ЗША, старшым дырэктарам па еўрапейскіх і расійскіх справах Савета нацыянальнай бяспекі Фіёнай Хіл. Намеснік міністра правёў перагаворы з выконваючым абавязкі памочніка дзяржаўнага сакратара ЗША па еўрапейскіх і еўразійскіх справах Філіпам Рыкерам і старшай службовай асобай бюро па пытаннях дэмакратыі, правоў чалавека і працы Майклам Козакам.

У кангрэсе прайшлі сустрэчы са сустаршынёй Камісіі ЗША па бяспецы і супрацоўніцтве ў Еўропе, сенатарам ЗША ад штата Місісіпі Роджэрам Уікерам, з супрацоўнікамі апаратаў шэрага камітэтаў Сената.

Алег Краўчанка правёў сустрэчу з кіраўнікамі Нацыянальнай кааліцыі ў падтрымку яўрэйскіх абшчын Еўразіі Маркам Левінам і Леслі Уайс, з прадстаўнікамі аналітычнай супольнасці: старшым дырэктарам Цэнтра дыпламатыі і глабальных адносін імя Дж.Байдэна Майклам Карпентэрам, дырэктарам Гудзонаўскага інстытута Кенетам Вайнштайнам, прэзідэнтам Джэймстаўнскага фонду Гленам Ховардам, старшым віцэ-прэзідэнтам Амерыканскага савета па знешняй палітыцы Іланам Берманам і групай даследчыкаў Фонду Карнегі за міжнародны мір, уключаючы дырэктара праграмы Расіі і Еўразіі Юджына Румера і віцэ-прэзідэнта па даследаваннях праграмы Расіі і Еўразіі Эндру Уайса.

Пытанні развіцця двухбаковых эканамічных сувязей абмеркаваны са старшынёй Савета дзелавога супрацоўніцтва Беларусь - ЗША Дэвідам Бэйранам.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Машынабудаванне Беларусі Машынабудаўнічы комплекс Беларусі прадстаўляюць каля 250 вялікіх і сярэдніх арганізацый, у якіх працуюць 192 тыс. чалавек.