ДЗЯРЖОРГАНЫДЗЯРЖОРГАНЫ
Флаг Пятніца, 7 мая 2021
Мінск Суцэльная воблачнасць +12°C
Усе навіны
Усе навіны
Палітыка
02 красавіка 2021, 16:06

Качанава: шматвяковае братэрства і шчырая дружба непарыўна аб'ядноўваюць беларусаў і расіян

Фота з архіва
Фота з архіва

2 красавіка, Мінск /Кар. БЕЛТА/. Старшыня Савета Рэспублікі Наталля Качанава павіншавала старшыню Савета Федэрацыі Валянціну Мацвіенка, старшыню Дзяржаўнай Думы Вячаслава Валодзіна і намесніка старшыні Савета Федэрацыі Юрыя Вараб'ёва з Днём яднання народаў Беларусі і Расіі. Аб гэтым БЕЛТА паведамілі ў прэс-службе верхняй палаты парламента.

У пасланнях Наталля Качанава адзначыла, што шматвяковае братэрства і шчырая дружба доўгія гады непарыўна аб'ядноўваюць пакаленні грамадзян дзвюх краін.

"Урокі мінулага паказваюць нам, што толькі сумеснымі намаганнямі, прадаўжаючы ўмацоўваць наша адзінства, мы здольны адказаць на любыя выклікі і захаваць мір і спакой. Беларусь і Расія прайшлі вялікі шлях да дасягнення галоўнай мэты - стварэння неабходных умоў для ўстойлівага развіцця, павышэння дабрабыту і ўзроўню жыцця народаў. І сёння, калі міжнародная супольнасць перажывае складаныя часы канфліктаў і пагроз, наш саюз, які адзначае сваё 25-годдзе, набывае асаблівую каштоўнасць", - паведамілі ў прэс-службе.

У віншавальным пасланні ў адказ ад Валянціны Мацвіенка гаворыцца, што сёння перад дзвюма краінамі стаяць амбіцыйныя задачы - адкрываць новыя перспектывы стабільнага развіцця нацыянальных эканомік для павышэння дабрабыту грамадзян.

"Сумесная работа дэманструе важнасць парламенцкага дыялогу Расіі і Беларусі, які садзейнічае дасягненню важкіх вынікаў у рабоце па рэалізацыі ўсіх існуючых дамоўленасцей, у тым ліку і ў сферы міжрэгіянальнага супрацоўніцтва, што знаходзіцца ў цэнтры ўвагі штогадовага Форуму рэгіёнаў Расіі і Беларусі", - адзначыла ў сваім пасланні старшыня Савета Федэрацыі.

Старшыня Дзярждумы старшыня Парламенцкага сходу Саюза Беларусі і Расіі Вячаслаў Валодзін у сваю чаргу падкрэсліў, што "збліжэнне нацыянальных заканадаўстваў у рамках Парламенцкага сходу садзейнічае развіццю Саюзнай дзяржавы на карысць нашых братэрскіх народаў, павышэнню якасці жыцця людзей, рэалізацыі сумесных праектаў".

"Акрамя таго, атрыманы віншаванні ад намесніка старшыні Савета Федэрацыі Юрыя Вараб'ёва і генеральнага сакратара - кіраўніка Сакратарыята Савета міжпарламенцкай асамблеі дзяржаў - удзельніц Садружнасці Незалежных Дзяржаў Дзмітрыя Кабіцкага", - расказалі ў прэс-службе Савета Рэспублікі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі