ДЗЯРЖОРГАНЫДЗЯРЖОРГАНЫ
Флаг Панядзелак, 8 жніўня 2022
Мінск Суцэльная воблачнасць +15°C
Усе навіны
Усе навіны
Палітыка
19 лістапада 2021, 09:02

Генсакратар ААН пацвердзіў, што Беларусь не з'яўляецца ні крыніцай, ні прычынай патокаў бежанцаў

19 лістапада, Мінск /Кар. БЕЛТА/. Генеральны сакратар ААН Антоніу Гутэрыш згадзіўся з тым, што Беларусь не з'яўляецца ні крыніцай, ні прычынай патокаў бежанцаў. Аб этым было заяўлена на праведзенай сустрэчы ў Нью-Ёрку з пастаянным прадстаўніком Беларусі пры ААН Валянцінам Рыбаковым, паведамляе БЕЛТА.

"Ён згадзіўся ў размове з тым, што Беларусь не з'яўляецца ні крыніцай, ні прычынай тых патокаў мігрантаў, якія перамяшчаюцца транзітам праз Беларусь у еўрапейскія дзяржавы. Падкрэсліў, што добра ведае сітуацыю, пры якой мігранты, што накіроўваюцца ў Заходнюю Еўропу, катэгарычна не разглядаюць транзітныя краіны ў якасці мэты свайго падарожжа. Зразумела, не жадаючы спыняцца ў гэтым канкрэтным выпадку ў Беларусі, ні нават у Польшчы. Ні тым больш у Літве. Іх адзіная мэта - трапіць нейкім чынам у першую чаргу ў Германію. І ён з гэтай сітуацыяй асабіста не раз сутыкаўся на сваёй папярэдняй пасадзе (раней Антоніу Гутэрыш займаў пасаду Вярхоўнага камісара ААН па справах бежанцаў. - Заўвага БЕЛТА)", - сказаў беларускі дыпламат.

Як паведамлялася БЕЛТА, генеральнаму сакратару было перададзена асабістае пісьмо ад кіраўніка беларускага знешнепалітычнага ведамства Уладзіміра Макея аб сітуацыі вакол бежанцаў, прадстаўлена іншая актуальная і аб'ектыўная інфармацыя наконт гэтага. "Генеральны сакратар ААН падзякаваў Беларусі за растлумачэнні афіцыйнай пазіцыі, перададзеную інфармацыю. Адзначыў, што вывучыць усе прадстаўленыя матэрыялы і будзе ўважліва сачыць за развіццём сітуацыі", - расказаў Валянцін Рыбакоў.

Паводле яго слоў, генеральны сакратар ААН таксама пацвердзіў актыўную ўключанасць у працэс вырашэння крызісу і перадачы гуманітарнай дапамогі Упраўлення Вярхоўнага камісара ААН па справах бежанцаў і Міжнароднай арганізацыі па міграцыі.

На сустрэчы бакі дамовіліся аб падтрыманні прамога асабістага кантакту, а таксама з Сакратарыятам і прэс-службай ААН, каб дадаткова перадаваць актуальную інфармацыю аб развіцці сітуацыі. "Мы дамовіліся аб тым, што будзем дзяліцца нашым бачаннем, разуменнем сітуацыі, інфармацыяй з генеральным сакратаром і ўсімі структурамі ААН, - сказаў беларускі дыпламат. - На заканчэнне сустрэчы генеральны сакратар ААН папрасіў перадаць цёплае прывітанне Прэзідэнту Беларусі Аляксандру Лукашэнку. Мы дамовіліся аб далейшым падтрыманні кантактаў. Мы будзем у поўным аб'ёме аб'ектыўна і непрадузята дакладваць, расказваць генеральнаму сакратару аб тых падзеях, якія будуць адбывацца".-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі