12 студзеня, Мінск /Кар. БЕЛТА/. Сілы АДКБ не далі магчымасці рэалізаваць каляровую рэвалюцыю ў Казахстане, заявіў у эфіры тэлеканала "Беларусь 1" намеснік дырэктара Інстытута стратэгічных даследаванняў і прагнозаў расійскага ўніверсітэта дружбы народаў Павел Фельдман, паведамляе БЕЛТА.
"Ужо сёння зразумела па почырку, якія сілы стаялі за гэтай інтэрвенцыяй. Здалёк выглядаюць вушы ЗША, НАТА, магчыма, Турцыі і радыкальна ісламісцкіх сіл, што заўсёды, як гэта парадаксальна ні было б, рэалізуюць свае планы або з маўклівай згоды Захаду, або наогул каардынуючы ўласныя дзеянні з Вашынгтонам. Вось і атрымліваецца, што сілы АДКБ сёння паказалі, наколькі гэта арганізацыя актуальная, наколькі яна патрэбная і што ўпершыню ў міжнароднай гісторыі за кошт каардынацыі намаганняў краін, якія ўваходзяць у гэты альянс, была спынена каляровая рэвалюцыя", - сказаў Павел Фельдман.
Эксперт падкрэсліў: альянс, створаны ў якасці альтэрнатывы блоку НАТА, на практыцы аказваецца значна больш паспяховым, чым яго паўночнаатлантычны партнёр. "Трэба ўмець прызнаваць як свае перамогі, так і паражэнні. І, безумоўна, тое, што адбылося ў Казахстане, - перамога постсавецкай прасторы, перамога Расіі, Беларусі, легітымных улад Казахстана над калектыўным Захадам", - дадаў ён.-0-
Фота Сяргея Шэлега