ДЗЯРЖОРГАНЫДЗЯРЖОРГАНЫ
Аўторак, 21 студзеня 2020
Мінск Суцэльная воблачнасць +4°C
Усе навіны
Усе навіны
Палітыка
22 ліпеня 2019, 14:24

ЕС чакае ад беларускага боку вызначэння даты сустрэчы высокага ўзроўню па лініі "Усходняга партнёрства"

22 ліпеня, Мінск /Кацярына Крышэнік - БЕЛТА/. Еўрапейскі саюз чакае ад беларускага боку вызначэння канкрэтнай даты правядзення сустрэчы высокага ўзроўню па лініі "Усходняга партнёрства" ў Мінску, якая запланавана на восень 2019 года. Аб гэтым паведаміла сёння журналістам кіраўнік прадстаўніцтва ЕС у Беларусі Андрэа Віктарын, перадае карэспандэнт БЕЛТА.

"Мы зрабілі прапанову беларускаму боку і чакаем адказу (наконт даты. - Заўвага БЕЛТА), каб вярхоўны прадстаўнік таксама магла прысутнічаць на сустрэчы", - растлумачыла Андрэа Віктарын.

Паводле яе слоў, галоўнай тэмай мерапрыемства стане будучыня "Усходняга партнёрства". "Гэта чатыры галоўныя галіны супрацоўніцтва, такія як больш моцная эканоміка, больш цесныя сувязі і магчымасць пабудовы такіх сувязей, больш эфектыўнае кіраванне і больш моцнае грамадства. Мы хочам пачуць меркаванне і стаўленне ўсіх краін - удзельніц "Усходняга партнёрства", - дадала яна.

Беларусь і ЕС актыўна супрацоўнічаюць ва "Усходнім партнёрстве". У прыватнасці, у маі ў Бруселі праходзіла сустрэча міністраў замежных спраў і канферэнцыя высокага ўзроўню, прысвечаныя 10-годдзю УП. Беларусь прадстаўляў міністр замежных спраў Уладзімір Макей.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі