Мабільная версія
ДЗЯРЖОРГАНЫ

Апошнія навіны
Усе навіны

Болтан аб перагаворах з Лукашэнкам: гэта была вельмі важная сустрэча

Палітыка 29.08.2019 | 18:11
Аляксандр Лукашэнка і Джон Болтан
Аляксандр Лукашэнка і Джон Болтан

29 жніўня, Мінск /Кар. БЕЛТА/. Саветнік Прэзідэнта ЗША па нацыянальнай бяспецы Джон Болтан назваў праведзеную сустрэчу з Прэзідэнтам Беларусі, якая прадаўжалася больш за 2 гадзіны, вельмі важнай. Аб гэтым ён заявіў журналістам сёння пасля сустрэчы з кіраўніком дзяржавы, перадае карэспандэнт БЕЛТА.

Паводле слоў Джона Болтана, былі абмеркаваны самыя розныя пытанні. Бакі не прыйшлі да канкрэтных рашэнняў, разам з тым падкрэслена важнасць праведзенай дыскусіі. "У нас была вельмі доўгая дыскусія з Прэзідэнтам Беларусі (прыкладна 2 гадзіны 15 мінут). Яна ахапіла вельмі шырокія тэмы - палітыку, эканоміку, пытанні бяспекі як у рэгіёне, так і ва ўсім свеце. Гэта была вельмі важная сустрэча. Вядома, мы не прыйшлі да нейкіх канкрэтных рашэнняў на ёй, але было вельмі важна абмеркаваць усе гэтыя пытанні", - сказаў саветнік Прэзідэнта ЗША.

Джон Болтан адзначыў, што ў Беларусі і ЗША ёсць пэўныя складанасці ў адносінах, і адпаведныя пытанні абмяркоўваліся на сустрэчы. Яшчэ адной тэмай для размовы была новая геапалітычная рэальнасць у рэгіёне і магчымасці сумеснай работы ў гэтых адносінах.

Адказваючы на пытанне БЕЛТА аб тым, ці абмяркоўвалася магчымасць аднаўлення дыпламатычнага прадстаўніцтва паміж Беларуссю і ЗША на ўзроўні паслоў, саветнік амерыканскага Прэзідэнта сказаў: "Мы не абмяркоўвалі гэта пытанне. Як вы ведаеце, у нас былі складаныя моманты ў двухбаковых адносінах, і нам трэба бачыць прагрэс у пэўных сферах для таго, каб у нас быў прагрэс у аднаўленні дыпламатычнага прадстаўніцтва. Я прыехаў сюды без намеру даць адказы на такія пытанні. Але я вельмі ўдзячны Прэзідэнту за магчымасць сустрэчы і правядзення вельмі цікавай і важнай дыскусіі".-0-

Версія для друку
Навіны рубрыкі Палітыка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Дзіцячае "Еўрабачанне-2019" Міжнародны дзіцячы конкурс песні "Еўрабачанне-2019" пройдзе 24 лістапада ў г. Глівіцэ (Польшча).