ДЗЯРЖОРГАНЫДЗЯРЖОРГАНЫ
Флаг Чацвер, 6 кастрычніка 2022
Мінск 0°C
Усе навіны
Усе навіны
Палітыка
08 красавіка 2022, 17:58

Беларусь пацвердзіла гатоўнасць актыўнага ўдзелу ў мерапрыемствах ШАС на розных узроўнях

Фота з архіва
Фота з архіва

8 красавіка, Мінск /Кар. БЕЛТА/. У Міністэрстве замежных спраў Узбекістана адбылася сустрэча Надзвычайнага і Паўнамоцнага Пасла Беларусі Леаніда Марыніча з начальнікам упраўлення па супрацоўніцтве з рэгіянальнымі арганізацыямі знешнепалітычнага ведамства, Нацыянальным каардынатарам гэтай краіны па справах Шанхайскай арганізацыі супрацоўніцтва Рахматулам Нурымбетавым. Аб гэтым карэспандэнту БЕЛТА расказалі ў беларускай дыпламатычнай місіі ў Ташкенце.

Бакі абмеркавалі прыярытэты старшынства Узбекістана ў ШАС, адзначыўшы важнасць далейшага пашырэння эканамічнага ўзаемадзеяння ў рамках арганізацыі. Пасол выказаў зацікаўленасць у актыўным удзеле Беларусі ў якасці наглядальніка ў Шанхайскай арганізацыі супрацоўніцтва, асабліва з улікам старшынства Узбекістана ў ШАС у 2022 годзе.

Беларускі бок пацвердзіў гатоўнасць прыняць актыўны ўдзел у мерапрыемствах ШАС на розных узроўнях у бягучым годзе, у тым ліку запланаваных да правядзення ў Рэспубліцы Узбекістан.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі