ДЗЯРЖОРГАНЫДЗЯРЖОРГАНЫ
Флаг Серада, 28 ліпеня 2021
Мінск Пераменная воблачнасць +23°C
Усе навіны
Усе навіны
Палітыка
01 чэрвеня 2021, 12:32

Беларусь надае важнае значэнне ўмацаванню і развіццю супрацоўніцтва з Расіяй - Андрэйчанка

1 чэрвеня, Мінск /Кар. БЕЛТА/. Беларусь надае важнае значэнне ўмацаванню і развіццю супрацоўніцтва з Расіяй, заявіў сёння старшыня Палаты прадстаўнікоў Уладзімір Андрэйчанка на сустрэчы з Надзвычайным і Паўнамоцным Паслом Расіі ў Беларусі Яўгенам Лук'янавым, перадае карэспандэнт БЕЛТА.

"Беларусь надае вельмі важнае значэнне ўмацаванню і далейшаму развіццю супрацоўніцтва з Расійскай Федэрацыяй. У нас заўсёды ў аснове былі дружба, давер, узаемаразуменне. Думаю, што гэта будзе так і далей у палітычнай, эканамічнай і культурнай сферах. Таму што Расійская Федэрацыя - наш ключавы, стратэгічны партнёр. І фундаментам адносін перш за ўсё з'яўляецца эканоміка. У добрыя гады наш тавараабарот быў практычна $40 млрд. У 2019 годзе - амаль $35 млрд. Крыху праселі ў 2020-м - да $30 млрд. Але прыемна, што бягучы год мы пачалі добра і ўжо рост тавараабароту каля 20 працэнтаў. Аб гэтым гаварылі нашы прэзідэнты, калі сустракаліся ў Сочы", - сказаў Уладзімір Андрэйчанка.

Паводле яго слоў, парламентарыі не застаюцца ўбаку ад вырашэння ўсіх узнікаючых пытанняў. "У нас вельмі добрыя, канструктыўныя ўзаемаадносіны з Федэральным сходам Расійскай Федэрацыі - з Дзяржаўнай Думай і Саветам Федэрацыі. Мы праводзім шмат мерапрыемстваў. Нядаўна адбылася міжнародная навукова-практычная канферэнцыя, якая была прысвечана захаванню гістарычнай памяці, недапушчэнню рэабілітацыі нацызму. Мы ўдзячны, што ў ёй прыняў удзел былы пасол Расіі ў Беларусі Дзмітрый Мезенцаў і старшыня камітэта Дзяржаўнай Думы Вячаслаў Ніканаў. У рамках Парламенцкага сходу ў нас шмат мерапрыемстваў. 16 чэрвеня адбудзецца сесія Парламенцкага сходу Саюза Беларусі і Расіі. Мы будзем абмяркоўваць ход выканання саюзных праграм, выкананне бюджэту, выпрацоўваць арыенціры па бюджэце на 2022 год. Адбудзецца Форум рэгіёнаў Беларусі і Расіі. 15 ліпеня - "Славянскі базар у Віцебску" і там, як правіла, заўсёды праходзіць Дзень Саюзнай дзяржавы. Мы абавязкова прымем удзел у назіранні за выбарамі ў Дзяржаўную Думу, якія будуць праходзіць ў верасні. Інакш кажучы, графік мерапрыемстваў у нас вельмі насычаны. Тэмпы здаваць мы не маем намеру. Вядома, тон нашай рабоце задаюць прэзідэнты, якія ўжо ў бягучым годзе тры разы сустракаліся, і прэм'ер-міністры", - адзначыў спікер.

Уладзімір Андрэйчанка падкрэсліў, што час цяпер неспакойны. "Я нават скажу, што ён выбухованебяспечны, і нам трэба часцей сустракацца, абмяркоўваць розныя пытанні. Недзе трэба працаваць на апярэджанне, недзе трэба карэкціраваць парадак дня. Таму што сёння, будзем шчыра гаварыць, не ўсім падабаецца, што на палітычнай карце свету ёсць такія дзяржавы, як Расійская Федэрацыя і Рэспубліка Беларусь. Мы гэта бачым з тых падзей, якія апошнім часам адбываюцца. У прыватнасці, з пасадкай самалёта Афіны - Вільнюс, пасадка якога была праведзена па просьбе экіпажа. Але на сённяшні дзень, не дачакаўшыся ніякага расследавання, не стварыўшы ніякую камісію, ужо адразу былі назначаны вінаватыя ў асобе Беларусі. Гэта зразумела, што спрабуюць стварыць вобраз ворага з Беларусі, ізаляваць нашу краіну. Мэта - выклікаць незадаволенасць людзей. Я думаю, што мы павінны адэкватна, жорстка адказваць у адказ на ўсе спробы расхістаць сітуацыю ў Рэспубліцы Беларусь, - канстатаваў ён. - У цэлым я лічу, што ў нас шмат тэм для супрацоўніцтва. Вельмі шмат яшчэ нерэалізаваных магчымасцей. І думаю, што ў гэтым і залог нашага будучага поспеху".

Як дадаў Яўген Лук'янаў, назначэнне паслом для яго - гэта не толькі вялікі гонар, але і вялікая адказнасць. "Гэта тлумачыцца якраз тым характарам адносін паміж нашымі краінамі і тымі праблемамі, якія мы вырашаем у рабочым парадку ў палітычным, эканамічным плане. І, вядома, ёсць адзін вялікі фактар, які мне будзе дапамагаць у рабоце, - гэта не толькі добрае стаўленне ўлад Беларусі да расійскага пасольства, да Расіі, але і перш за ўсё рабочы чалавечы і палітычны кантакт нашых кіраўнікоў, - сказаў ён. - Гэта аблягчае ўсім нам выкананне тых задач, якія ставяць не толькі прэзідэнты, але і само жыццё. Так, яно дынамічнае, непрадказальнае. Падзеі часам развіваюцца вельмі нечакана, эмоцыі таксама цалкам зразумелыя. Цяпер, напэўна, будзе яшчэ адзін узрыў эмоцый у сувязі з пасадкай самалёта ў Берліне. На шчасце, усё скончылася добра, узрыўное ўстройства не выяўлена. Паглядзім, як будзе развівацца сітуацыя вакол гэтага выпадку, як будзе рэагаваць ІКАО, якія тэрміны для праверкі інцыдэнту яны вызначаць".

Што датычыцца міжпарламенцкіх сувязей Беларусі і Расіі, пасол падкрэсліў, што яны шматпланавыя і рознаўзроўневыя. "І, безумоўна, павінны служыць сур'ёзнай падмогай у рабоце нашых дзяржаў на інтэграцыю, збліжэнне, вызначэнне тых прыярытэтаў, рэгуляванне якіх павінны забяспечваць заканадаўцы", - сказаў на заканчэнне ён.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі