14 лютага, Мінск /Кар. БЕЛТА/. Беларусь прадоўжыць падтрымліваць ініцыятыву, звязаную з запускам новага Хельсінкскага працэсу. Размова аб гэтым ішла сёння на сумесным пасяджэнні Пастаяннай камісіі Савета Рэспублікі па міжнародных справах і нацыянальнай бяспецы і Пастаяннай камісіі Палаты прадстаўнікоў па міжнародных справах, перадае карэспандэнт БЕЛТА.
Дэпутат Валерый Варанецкі падкрэсліў, што Беларусі ў АБСЕ "вельмі важна прадаўжэнне работы па пашырэнні ініцыятывы кіраўніка дзяржавы па запуску новага Хельсінкскага працэсу". Гэта датычыцца ўмацавання даверу і супрацоўніцтва ў рэгіёне АБСЕ, нагадаў ён.
"Ініцыятыва сама па сабе вельмі важная, і нашы намаганні накіраваны на тое, каб працаваць над умацаваннем міру і бяспекі ў рэгіёне. Яна мае вельмі вялікае значэнне не толькі для Еўропы, але і для ўмацавання нашых пазіцый, суверэнітэту, бяспекі, незалежнасці", - сказаў парламентарый. На яго думку, ва ўмовах жорсткага процістаяння Беларусі будзе цяжка захоўваць незалежную і нейтральную палітыку па шэрагу пытанняў.
Пастаянныя камісіі па міжнародных справах абмеркавалі таксама супрацоўніцтва Нацыянальнага сходу з парламенцкімі арганізацыямі, пытанні актывізацыі дзейнасці парламенцкіх рабочых груп з калегамі з іншых краін. Размова ішла і аб ключавых мерапрыемствах міжпарламенцкага супрацоўніцтва ў 2019 годзе. У такім фармаце дэпутаты і члены Савета Рэспублікі сабраліся ўпершыню.-0-
