14 студзеня, Мінск /Аліна Грышкевіч - БЕЛТА/. Беларусь і Венгрыя падпісалі мемарандум паміж міністэрствамі замежных спраў аб садзейнічанні міжрэгіянальнаму супрацоўніцтву, перадае карэспандэнт БЕЛТА.
Акрамя таго, падпісана міжурадавае беларуска-венгерскае пагадненне аб садзейнічанні ажыццяўленню і ўзаемнай абароне інвестыцый. Міністэрства замежных спраў Беларусі і Міністэрства замежных спраў і знешняга гандлю Венгрыі таксама падпісалі праграму супрацоўніцтва на 2019 год.
Дакументы падпісаны сёння ў Мінску. З беларускага боку подпіс пад дакументамі паставіў кіраўнік знешнепалітычнага ведамства Уладзімір Макей, з венгерскага - міністр замежных спраў і знешняга гандлю Петэр Сіярта.-0-
Фота Максіма Гучака
