ДЗЯРЖОРГАНЫДЗЯРЖОРГАНЫ
Флаг Пятніца, 30 ліпеня 2021
Мінск Ясна +18°C
Усе навіны
Усе навіны
Палітыка
20 красавіка 2021, 19:59

Беларусь і Швейцарыя пацвердзілі ўзаемную зацікаўленасць у захаванні канструктыўнага дыялогу

Фота МЗС
Фота МЗС

20 красавіка, Мінск /Кар. БЕЛТА/. У час рабочага візіту ў Швейцарыю адбылася сустрэча міністра замежных спраў Беларусі Уладзіміра Макея з віцэ-прэзідэнтам Федэральнага савета, кіраўніком Федэральнага дэпартамента замежных спраў Швейцарскай Канфедэрацыі Іньяцыа Касісам. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.

"Былі абмеркаваны стан і перспектывы двухбаковага супрацоўніцтва, уключаючы рэалізацыю дамоўленасцей, дасягнутых па выніках візіту Іньяцыа Касіса ў Рэспубліку Беларусь у лютым 2020 года. Іньяцыа Касіс праінфармаваў аб падыходах швейцарскага боку да падзей у Беларусі", - гаворыцца ў паведамленні.

Уладзімір Макей дэталёва азнаёміў субяседніка з логікай дзеянняў улад Беларусі ў час мінулагодніх падзей, праінфармаваў аб шырокім грамадскім дыялогу ў нашай краіне і рабоце па падрыхтоўцы змяненняў Канстытуцыі.

Бакі абмяняліся думкамі па пытаннях барацьбы з пандэміяй COVID-19, рэгіянальнай бяспекі. Пацверджана ўзаемная зацікаўленасць у захаванні канструктыўнага дыялогу на розных узроўнях, хутчэйшым вырашэнні праблемных пытанняў і аднаўленні пазітыўнай дынамікі развіцця беларуска-швейцарскіх адносін.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі