9 снежня, Мінск /Кар. БЕЛТА/. Намеснік міністра замежных спраў Рэспублікі Беларусь Сяргей Алейнік 8 снежня правёў сустрэчу з кіраўніком рэгіянальнай дэлегацыі Міжнароднага камітэта Чырвонага Крыжа (МКЧК) у Беларусі, Расіі і Малдове Іхціярам Асланавым. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.
У ходзе сустрэчы адбыўся абмен думкамі аб актуальных напрамках узаемадзеяння Беларусі і міжнароднага камітэта, уключаючы падрыхтоўку плана супрацоўніцтва беларускіх дзяржаўных органаў і арганізацый на 2022 год.
Сяргей Алейнік праінфармаваў субяседніка аб падыходах Беларусі адносна міграцыйнай сітуацыі на заходняй граніцы краіны, у тым ліку па пытанні аказання гуманітарнай дапамогі па лініі МКЧК.
У сваю чаргу Іхціяр Асланаў станоўча ацаніў меры, якія прымаюцца Беларуссю, асабліва выдзеліў работу Беларускага таварыства Чырвонага Крыжа. Бакі адзначылі высокі ўзровень узаемаразумення і падтрымкі ў вырашэнні гуманітарных пытанняў, а таксама выказалі гатоўнасць прадаўжаць канструктыўнае супрацоўніцтва.-0-
