Мабільная версія
ДЗЯРЖОРГАНЫ

Апошнія навіны
У Брэсце адкрылі помнік Пушкіну
11 Кастрычнік, 17:46 Культура
Усе навіны

Беларусь і Канада абмеркавалі пытанні бяспекі, гандлю і інвестыцый

Палітыка 12.04.2019 | 15:48
Алег Краўчанка на канферэнцыі па інтэграцыйнным працэсам у еўразійскім рэгіёне. Фота МЗС
Алег Краўчанка на канферэнцыі па інтэграцыйнным працэсам у еўразійскім рэгіёне. Фота МЗС

12 красавіка, Мінск /Кар. БЕЛТА/. Намеснік міністра замежных спраў Беларусі Алег Краўчанка 8-12 красавіка наведаў Канаду з афіцыйным візітам, у ходзе якога прайшоў чарговы раўнд двухбаковых кансультацый паміж МЗС Рэспублікі Беларусь і Канады. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.

Канадскі бок на перагаворах узначаліў памочнік намесніка міністра замежных спраў (у рангу першага намесніка міністра) Марк Гваздзецкі. Бакі абмеркавалі стан і перспектывы развіцця беларуска-канадскіх адносін, узаемадзеянне дзвюх краін у рамках міжнародных арганізацый, сітуацыю ва ўсходнееўрапейскім рэгіёне, а таксама адносіны Беларусі з вядучымі партнёрамі.

Пытанні міжнароднай бяспекі, сітуацыя ў еўрапейскім рэгіёне, беларуска-канадскія адносіны разглядаліся на сустрэчах са старшынёй Пастаяннага камітэта па замежных справах і міжнародным развіцці Палаты абшчын Парламента Канады Майклам Левітам і старшынёй Пастаяннага камітэта па замежных справах і міжнародным гандлі Сената Парламента Канады Рэйнэл Эндрычак.

На канферэнцыі па інтэграцыйных пытаннях у еўразійскім рэгіёне Алег Краўчанка выклаў ініцыятывы беларускага боку па наладжванні ўзаемадзеяння і далейшым спалучэнні паміж рэгіянальнымі інтэграцыйнымі аб'яднаннямі - ЕАЭС і ЕС. Таксама асветлены пытанні ўдзелу Беларусі ў ЕАЭС з фокусам на існуючыя выгады і перавагі для Канады і іншых заходніх краін па развіцці ўзаемадзеяння з Беларуссю.

Былі ўзняты і пытанні беларуска-канадскага ўзаемадзеяння ў гандлёва-эканамічнай і інвестыцыйнай сферах. Аб гэтым ішла размова на перагаворах са старшынёй CERBA Жылем Брэтонам і кіраўніцтвам канадскіх кампаній, зацікаўленых у супрацоўніцтве з Беларуссю.

На сустрэчы з прадстаўнікамі Канадскага ваеннага музея разглядаліся перспектывы ўзаемадзеяння з Беларускім дзяржаўным музеем гісторыі Вялікай Айчыннай вайны.-0-

Версія для друку
Навіны рубрыкі Палітыка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь - Туркменістан: гандлёва-эканамічнае супрацоўніцтва Туркменістан з'яўляецца адным са стратэгічных партнёраў Беларусі ў Цэнтральнай Азіі. Дыпламатычныя адносіны паміж краінамі ўсталяваны 21 студзеня 1993 года.