Мабільная версія
ДЗЯРЖОРГАНЫ

Апошнія навіны
Усе навіны

Беларусь і Францыя адзначаюць важнасць далейшай актывізацыі ўсебаковых кантактаў

Палітыка 07.02.2019 | 10:22
Фота пасольства Беларусі ў Францыі
Фота пасольства Беларусі ў Францыі

7 лютага, Мінск /Аліна Грышкевіч - БЕЛТА/. У МЗС Францыі адбылася сустрэча Надзвычайнага і Паўнамоцнага Пасла Беларусі ў Парыжы Паўла Латушкі з нагоды завяршэння яго дыпмісіі з намеснікам генеральнага сакратара французскага знешнепалітычнага ведамства Андрэ Паранам. Аб гэтым карэспандэнту БЕЛТА паведамілі ў беларускай дыпламатычнай місіі.

Прадстаўнік МЗС Францыі падзякаваў паслу за шматгадовую актыўную работу па развіцці беларуска-французскага ўзаемадзеяння. Ён высока ацаніў намаганні двух бакоў, накіраваныя на пашырэнне супрацоўніцтва ў палітычнай, эканамічнай і гуманітарнай сферах.

Намеснік генеральнага сакратара МЗС падкрэсліў важнасць стварэння і паспяховага функцыянавання міжурадавай гандлёва-эканамічнай камісіі, праведзенага ў 2018 годзе візіту ў Беларусь дзяржаўнага сакратара пры міністры Еўропы і замежных спраў Францыі Жана-Батыста Лемуана, рэгулярнасць палітычнага дыялогу, развіццё інстытута ганаровых консулаў і ўзаемадзеянне ў культурнай сферы.

Павел Латушка адзначыў, што Францыя - адна з вядучых краін ЕС, і Беларусь надае вялікае значэнне развіццю супрацоўніцтва з французскім бокам. Пасол таксама адзначыў важнасць далейшага развіцця ўсебаковага ўзаемадзеяння. Паміж дзяржавамі сфарміраваны даволі шырокі інструментарый супрацоўніцтва: высокі ўзровень міжпарламенцкага дыялогу і дыялогу паміж міністэрствамі замежных спраў, бізнес-форумы і эканамічныя прэзентацыі, міжрэгіянальнае супрацоўніцтва, узаемадзеянне ў галіне культуры і іншых гуманітарных сферах.

Бакі пагадзіліся з тым, што захоўваецца значны патэнцыял для далейшага развіцця адносін паміж Мінскам і Парыжам, рэалізацыю якога па ўсіх напрамках неабходна актыўна прадоўжыць.

На заканчэнне размовы Павел Латушка выказаў удзячнасць кіраўніцтву МЗС Францыі, дэпартаменту кантынентальнай Еўропы МЗС Францыі, а таксама пасольству Францыі ў Беларусі за канструктыўнае супрацоўніцтва і ўзаемадзеянне ў рэалізацыі праектаў, накіраваных на ўмацаванне беларуска-французскіх адносін.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Работа ўстаноў аховы здароўя ў выхадныя і святочныя дні ў маі У час святочных мерапрыемстваў будуць дзяжурыць медыкі. Службы хуткай медыцынскай дапамогі будуць пераведзены ў рэжым павышанай гатоўнасці.