Мабільная версія
ДЗЯРЖОРГАНЫ

Апошнія навіны
Усе навіны

Беларусь і ЕС правялі ў Бруселі чарговы раўнд дыялогу па правах чалавека

Палітыка 19.06.2019 | 15:22
Фота пасольства Беларусі ў Бельгіі
Фота пасольства Беларусі ў Бельгіі

19 чэрвеня, Мінск /Кар. БЕЛТА/. Беларусь і Еўрапейскі саюз правялі 18 чэрвеня ў Бруселі 6-ы раўнд двухбаковага дыялогу па правах чалавека. Аб гэтым БЕЛТА паведамілі ў прадстаўніцтве Еўрасаюза ў Беларусі.

Паводле інфармацыі прадстаўніцтва ЕС, у час сустрэчы бакі шырока абмеркавалі тое, што адбываецца ў сферы развіцця дзяржаўнай палітыкі, рэалізацыю Нацыянальнага плана дзеянняў у галіне правоў чалавека ў Беларусі і сітуацыю з правамі чалавека ў краіне. Асаблівая ўвага была ўдзелена свабодзе выяўлення, сходаў і аб'яднанняў.

Удзельнікі таксама разгледзелі палітыку адносна гендарнай роўнасці і барацьбы з насіллем у сям'і і стан спраў у рэалізацыі такой палітыкі як у ЕС, так і ў Беларусі. Акрамя таго, у час сустрэчы ўзнімалася тэматыка прымянення смяротнага пакарання.

"Адкрытасць Беларусі, якая праяўляецца апошнім часам, да супрацоўніцтва ў пашырэнні правоў чалавека на міжнародных форумах, уключаючы супрацоўніцтва праз такія механізмы ААН, як Універсальны перыядычны агляд, з'яўляецца пазітыўнай падзеяй. У той жа час неабходна далейшае супрацоўніцтва Беларусі з трымальнікамі мандатаў спецыяльных працэдур ААН", - адзначылі ў прадстаўніцтве Еўрасаюза.

Беларускую дэлегацыю на пасяджэнні ўзначаліў намеснік міністра замежных спраў Алег Краўчанка, дэлегацыю Еўрапейскага саюза - кіруючы дырэктар па пытаннях Еўропы і Цэнтральнай Азіі ў Еўрапейскай службе знешніх дзеянняў Томас Майр-Хартынг. У сустрэчы таксама прынялі ўдзел спецыяльны прадстаўнік ЕС па правах чалавека Іман Гілмар, прадстаўнікі дзяржаў - членаў ЕС.

"Еўрапейскі саюз высока ацаніў актыўны ўдзел і ўклад шэрага арганізацый грамадзянскай супольнасці і няўрадавых арганізацый у абмеркаванне сітуацыі з грамадзянскімі, палітычнымі, эканамічнымі, сацыяльнымі і культурнымі правамі ў некаторых частках дыялогу", - дадалі ў прадстаўніцтве ЕС.

Чакаецца, што чарговы раўнд дыялогу па правах чалавека паміж ЕС і Беларуссю адбудзецца ў 2020 годзе.-0-

Версія для друку
Навіны рубрыкі Палітыка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Рэкамендацыі для тых, хто плануе паездкі ў Ізраіль Пры ўзнікненні спрэчных сітуацый на граніцы прасіць супрацоўнікаў міграцыйнай службы звязацца з запрашаючымі асобамі для пацвярджэння імі гатоўнасці прыняць вас ва ўзгодненыя тэрміны.