Мабільная версія
ДЗЯРЖОРГАНЫ

Апошнія навіны
Усе навіны

Беларусь і Егіпет маюць намер падтрымліваць намаганні па ўмацаванні міжнароднага міру і стабільнасці

Палітыка 18.06.2019 | 14:30

18 чэрвеня, Мінск /Кацярына Крышэнік - БЕЛТА/. Беларусь і Егіпет маюць намер падтрымліваць намаганні, накіраваныя на ўмацаванне міжнароднага міру і стабільнасці, прадухіленне праяў тэрарызму і экстрэмізму, якія ўяўляюць сур'ёзную пагрозу глабальнай і рэгіянальнай бяспецы. Аб гэтым гаворыцца ў сумеснай заяве, падпісанай сёння Прэзідэнтам Беларусі Аляксандрам Лукашэнкам і Прэзідэнтам Егіпта Абдэль Фатахам ас-Сісі, перадае карэспандэнт БЕЛТА.

Бакі згадзіліся з неабходнасцю ўрэгулявання рэгіянальных канфліктаў палітычнымі і дыпламатычнымі метадамі, а таксама падкрэслілі сваё імкненне няўхільна прытрымлівацца мэт Статута Арганізацыі Аб'яднаных Нацый і агульнапрызнаных прынцыпаў і норм міжнароднага права.

Беларусь адзначыла поспехі егіпецкага кіраўніцтва ў стабілізацыі палітычнай і эканамічнай сітуацыі ў краіне, у барацьбе з міжнародным тэрарызмам і выказала надзею, што пазітыўныя тэндэнцыі ў развіцці Егіпта будуць садзейнічаць пашырэнню двухбаковых сувязей.

Таксама Беларусь пацвердзіла, што падтрымлівае хутчэйшае заключэнне пагаднення аб свабодным гандлі паміж Еўразійскім эканамічным саюзам і Егіптам. У сваю чаргу егіпецкі бок заявіў аб гатоўнасці садзейнічаць развіццю шырокамаштабнага супрацоўніцтва Беларусі з краінамі Афрыканскага кантынента. Урад Егіпта таксама абавязаўся аказаць падтрымку сумесным праектам, якія рэалізуюцца ў гэтай арабскай рэспубліцы, шляхам стварэння роўных умоў для ўдзелу ў дзяржаўных тэндарах, спрашчэння працэдур рэгістрацыі сумесных прадпрыемстваў.

Бакі дамовіліся пашыраць супрацоўніцтва ў такіх перспектыўных сферах, як інфармацыйна-камунікацыйныя, аэракасмічныя і авіяцыйныя тэхналогіі, нанаматэрыялы, малекулярная генетыка, металазнаўства, фармацэўтыка, оптыка. Плануецца таксама актывізаваць узаемадзеянне ў сферы адукацыі. У прыватнасці, выпрацаваць механізмы прыцягнення і накіравання грамадзян Егіпта на навучанне ў беларускія ўстановы адукацыі, стварыць сумесныя факультэты, накіроўваць беларускіх спецыялістаў у галіне арабскай мовы на стажыроўкі ў егіпецкія ўніверсітэты.

Прадоўжыцца і ўзаемадзеянне ў сферах турызму, культуры. Дасягнута дамоўленасць аб правядзенні Дзён культуры Егіпта ў Беларусі ў 2019 годзе.

Абдэль Фатах ас-Сісі выказаў удзячнасць Аляксандру Лукашэнку і беларускаму народу за цёплы прыём і гасціннасць і запрасіў кіраўніка дзяржавы наведаць Егіпет.-0-

Версія для друку
Навіны рубрыкі Палітыка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Нарыхтоўка ягад, грыбоў і плодаагародніннай прадукцыі ў насельніцтва За 9 месяцаў 2019 года арганізацыямі спажывецкай кааперацыі закуплена сельгаспрадукцыі і сыравіны на суму Br258 млн (у тым ліку насельніцтву выплачана за здадзеную прадукцыю і сыравіну Br157 млн).