10 жніўня, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Рэспубліцы Арменія Аляксандр Канюк сустрэўся з міністрам юстыцыі гэтай краіны Карэнам Андрэасянам. Аб гэтым карэспандэнту БЕЛТА расказалі ў беларускай загранустанове ў Ерэване.
У час перагавораў бакі абмеркавалі шырокае кола пытанняў па развіцці супрацоўніцтва паміж міністэрствамі юстыцыі Беларусі і Арменіі. Акрамя таго, была дасягнута дамоўленасць аб актывізацыі ўзаемадзеяння, абмене вопытам паміж профільнымі міністэрствамі і арганізацыі ўзаемных візітаў.
Дыпламатычныя адносіны паміж Рэспублікай Беларусь і Рэспублікай Арменія ўстаноўлены 11 чэрвеня 1993 года. У верасні 2001 года ў Ерэване адкрыта пасольства Рэспублікі Беларусь. Пасольства Рэспублікі Арменія ў Мінску працуе з 1993 года. З устанаўленнем дыпламатычных адносін супрацоўніцтва Беларусі і Арменіі выйшла на якасна новы ўзровень.-0-
