ДЗЯРЖОРГАНЫДЗЯРЖОРГАНЫ
Флаг Панядзелак, 8 жніўня 2022
Мінск Суцэльная воблачнасць +15°C
Усе навіны
Усе навіны
Палітыка
22 лістапада 2021, 11:15

Аналітык: санкцыі - гэта гібрыдная агрэсія супраць суверэнітэту і незалежнасці Беларусі

Фота з архіва
Фота з архіва

22 лістапада, Мінск /Кар. БЕЛТА/. Санкцыі - гэта гібрыдная агрэсія супраць суверэнітэту і незалежнасці Беларусі. Аб гэтым палітолаг Пётр Пятроўскі заявіў у эфіры "Альфа Радыё", паведамляе БЕЛТА са спасылкай на sb.by.

"Не Беларусь разбурала адносіны з Захадам - ён сам гэта зрабіў. Чаму? На Захадзе лічаць, што яны павінны ўмешвацца ў палітычную сітуацыю ў Беларусі і камандаваць, як нам жыць. А наша краіна гаворыць, што ўнутраныя справы Беларусі Захаду не датычацца. Мы не члены ЕС, ніякіх абавязацельстваў перад імі не бралі, - сказаў аналітык. - У ЕС разглядаюць Беларусь як краіну, якой можна дыктаваць свае ўмовы. А калі яна не хоча, значыць, супраць яе трэба аб'яўляць гібрыдную агрэсію. Таму што санкцыі - гэта гібрыдная агрэсія супраць суверэнітэту і незалежнасці Беларусі. Мы павінны гэта разумець".

Пры гэтым Пётр Пятроўскі падкрэсліў, што Беларусь не супраць дыялогу з Еўропай, аднак ён павінен выбудоўвацца па пэўных правілах: унутраная сітуацыя ў Беларусі абмеркаванню з Еўрасаюзам не падлягае, мы можам абмяркоўваць толькі адносіны нашай краіны і ЕС. "Мы ж не ўстаўляем у перагаворны працэс пытанні аб тым, што робіцца ўнутры Еўрапейскага саюза. Умовы павінны быць такія: вы паважаеце нашы суверэнітэт і незалежнасць, мы - вашы. Абмяркоўваць можам міждзяржаўныя і міжведамасныя пытанні, але не лезці ва ўнутраныя справы адзін аднаго", - адзначыў эксперт.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі