Штодзень галоўная беларуская паветраная гавань прымае тысячы пасажыраў. Некалькі тысяч з тых, хто прылятае міжнароднымі рэйсамі, адпраўляюцца на пагранічны кантроль. Работа кантралёраў пагранічнай службы забяспечваецца пазменна. У сярэднім на дзяжурства заступае каля 40 чалавек і немалая частка з іх - дзяўчаты. У радах пагранічнай службы жанчыны паказваюць высокі ўзровень падрыхтоўкі і работы. Гэта датычыцца як фізічных і баявых навыкаў, так і работы па кантролі грамадзян у пункце пропуску: дзяўчаты больш уседлівыя і ўважлівыя. Служба ў пункце пропуску звязана з пастаянным узаемадзеяннем з людзьмі. Кожны дзень кантралёры афармляюць сотні людзей са сваім характарам, думкамі і клопатамі. На здымку: у час праходжання пагранічнага кантролю.
