У Брэсцкай вобласці рэалізуюць пілотны праект Міністэрства аховы здароўя. Для Брэсцкага, Баранавіцкага і Пінскага рэгіёнаў закупілі перасовачныя медыцынскія комплексы. Па графіку яны будуць прыязджаць у аддаленыя вёскі, каб вяскоўцы прайшлі дыспансерызацыю і дыягностыку. У Пінскім раёне медкомплекс ужо прыняў першых пацыентаў. Абсталявалі яго на базе аўтобуса ПАЗ, салон падзялілі на адсекі і прыстасавалі для прыёму пацыентаў. Унутры ёсць кушэткі, маніпуляцыйныя столікі, шафы і халадзільнікі для захоўвання розных прэпаратаў.
На здымку: у час прыёму пацыентаў у перасовачным медыцынскім комплексе.
