Тры камп'ютарныя тамографы ўведзены ў строй у Віцебскай вобласці. З 1 студзеня яны пачалі абслугоўваць пацыентаў ва ўстановах аховы здароўя Оршы, Полацка і Браслава. Вырабленыя айчынным прадпрыемствам ADANI апараты VENTUM-64, якія даюць магчымасць праводзіць шырокі спектр стандартных і спецыяльных КТ-даследаванняў, паставілі за кошт Міністэрства аховы здароўя. За кошт мясцовага бюджэту ў бальніцах праводзілася рэканструкцыя і падрыхтоўка спецыяльных памяшканняў для іх устаноўкі.
На здымку: новы тамограф.