Грамадскае аб'яднанне "Матацыклісты Славакіі" запусціла да Дня Перамогі праект "Дарога гераічнага агню". Мэта праекта – прывезці ў Славакію часцінку вечнага агню з Магілы невядомага салдата ў Маскве. Колба з вечным агнём праехала ўжо праз гарады Вязьма і Смаленск. У Беларусі ўдзельнікі ўсклалі вянкі ля вечнага агню ў мемарыяльным комплексе "Хатынь" і ў Мінску. Фінальным пунктам стала плошча цырыманіялаў у Брэсцкай крэпасці.
На здымку: у час акцыі ў Брэсцкай крэпасці.
