У Беларускім дзяржаўным інстытуце метралогіі (БелДІМ) захоўваецца большасць нацыянальных эталонаў. Эталон часу захоўвае і перадае адзінку часу - секунду. Гэта аснова для фарміравання нацыянальнай шкалы часу краіны. Даныя беларускага эталона часу бесперапынна накіроўваюць у Міжнароднае бюро мер і вагаў, дзе апрацоўваюць інфармацыю з усіх краін (розных часавых паясоў). Так фарміруецца шкала сусветнага каардынуемага часу UTC. Сёння самая дакладная інфармацыя аб часе размешчана на сайтах Дзяржстандарту і БелДІМ. У Мінску налічваецца больш за 30 гарадскіх гадзіннікаў, не лічачы цыферблаты на электронных табло, размешчаных па ўсім горадзе. Усе яны паказваюць час, паводле часавага пояса, у якім размяшчаецца Беларусь (UTC+3).На здымку: зверка часу з гадзіннікам на будынку ААТ "Мінскі гадзіннікавы завод".
