Мабільная версія
II Еўрапейскія гульні
ДЗЯРЖОРГАНЫ

Апошнія навіны
Усе навіны
Уладзімір Краўцоў

Ветэраны застаюцца прыкладам мужнасці, вытрымкі і аптымізму

Меркаванні 03.05.2019 | 18:07
Уладзімір Краўцоў Уладзімір Краўцоў Cтаршыня Гродзенскага абласнога выканаўчага камітэта

Нягледзячы на ўзрост, удзельнікі Вялікай Айчыннай вайны прадаўжаюць актыўна ўдзельнічаць у грамадскім жыцці і застаюцца прыкладам мужнасці, вытрымкі і аптымізму. Старшыня Гродзенскага аблвыканкама Уладзімір Краўцоў у час урачыстага прыёму падзякаваў ветэранам за актыўную жыццёвую пазіцыю, перадае карэспандэнт БЕЛТА.

На ўрастасць у аблвыканкам былі запрошаны больш за 20 ветэранаў з усіх раёнаў вобласці. "Дзень Перамогі - усенародна любімае свята і адно з самых важных. Дзякуючы нашым бацькам, дзядам і прадзедам мы сёння жывём у мірнай свабоднай краіне. Важна, што і ў пакаленняў, якія выраслі пасля вайны, гэта свята значнае і шануемае", - адзначыў Уладзімір Краўцоў. Ён падкрэсліў, што памяць пра тыя падзеі жыве ў кожнай сям'і.

"Час не спыніць. Сярэдні ўзрост ветэранаў перасягнуў ужо за адзнаку 90 гадоў. Аднак вы сёння - прыклад мужнасці, вытрымкі і аптымізму. Мы ўдзячны вам і за актыўную жыццёвую пазіцыю, і за ўдзел у патрыятычным выхаванні моладзі", - звярнуўся да ветэранаў губернатар.

Паводле слоў Уладзіміра Краўцова, у рэгіёне пражывае 441 ветэран, і ўвага да іх не толькі напярэдадні свят. Органы ўлады, сацслужбы, грамадскія арганізацыі забяспечваюць іх усім неабходным, пастаянна правяраюць бытавыя ўмовы.

"Маладыя пакаленні павінны цаніць мір і свабоду. Гэта самае дарагое, што можа быць у чалавека, - адзначае ветэран Валянціна Дзмітрыева. - Прыемна, што ў нас захоўваюць памяць пра Перамогу, пра тых, хто аддаў жыццё за яе. У мяне з вайны не вярнуліся два старэйшыя браты. Падзеі тых гадоў пакінулі след у кожнай сям'і". У 17-гадовым узросце яна трапіла ў партызанскі атрад у брыгаду "Жалязняк". Служыла ў разведгрупе. Пасля вайны паступіла ў медыцынскі ўніверсітэт і шмат гадоў працавала ўрачом. Валянціна Цімафееўна падкрэслівае, як важна цаніць дасягненні тых пакаленняў у аднаўленні краіны пасля страшэнных разбурэнняў.

Святочныя мерапрыемствы да Дня Перамогі прадоўжацца ўрачыстым канцэртам на сцэне аблдрамтэатра - гледачам раскажуць гісторыю салдата Перамогі. З 5 мая ў Гродзенскай вобласці стартуе акцыя "Ваенная агітбрыгада". Канцэрты, творчыя сустрэчы, пастаноўкі будуць арганізаваны ў аддаленых населеных пунктах рэгіёна, дзе няма ўстаноў культуры. Да Дня Перамогі ў гарадах, раённых цэнтрах, аграгарадках і вёсках плануецца таксама правесці выстаўкі дзіцячых малюнкаў. Ужо сабрана каля 20 тыс. работ.

Асноўныя мерапрыемствы пройдуць 9 мая. У Гродне і Слоніме адбудуцца парады войск, прагрымяць святочныя салюты. Ва ўсіх вялікіх населеных пунктах вобласці адначасова пачнуцца канцэрты пад назвай "У 6 гадзін вечара пасля вайны". Насычаныя святочныя праграмы падрыхтаваны ва ўсіх райцэнтрах: квэсты, флэш-мобы, інсталяцыі, дэфіле моды і прычосак ваенных гадоў, фестывалі салдацкай кашы і песенныя марафоны.

Версія для друку
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Акцыя "Увага - дзеці!" Напярэдадні летніх канікулаў у Беларусі праходзіць акцыя "Увага - дзеці!". Тэрміны акцыі: 25 мая - 5 чэрвеня. Мэта - пазбегнуць траўматызму дзяцей на дарогах.