Пытанні з пастаўкамі беларускіх прадуктаў харчавання ў Расію з'яўляюцца з-за нядобрасумленнага бізнесу. Такое меркаванне 15 лютага журналістам выказаў намеснік старшыні Камітэта Савета Федэрацыі па аграрна-харчовай палітыцы і прыродакарыстанні Сяргей Белавусаў, перадае карэспандэнт БЕЛТА.
Каменціруючы тэму паставак беларускіх прадуктаў харчавання ў Расію, ён адзначыў, што беларускія і расійскія парламентарыі займаюцца гарманізацыяй заканадаўства і стараюцца здымаць узнікаючыя пытанні. Работа ў гэтым напрамку будзе прадаўжацца. "Трэба дамаўляцца. Часам з'яўляюцца нейкія спекуляцыйныя рэчы. Гэта бізнес, у ім прысутнічаюць і нядобрасумленныя ігракі. Будзем сумесна гэта разглядаць", - сказаў Сяргей Белавусаў.
Расійскіх парламентарыяў цікавіць вопыт беларускіх аграрыяў. Паводле слоў Сяргея Белавусава, у Дзярждуму перададзены законапраект аб арганічнай сельгаспрадукцыі. "Думаю, што вопыт Беларусі па якасці прадукцыі па нейкіх пазіцыях можна будзе пераняць", - адзначыў парламентарый.
У сваю чаргу намеснік старшыні Камітэта Савета Федэрацыі па навуцы, адукацыі і культуры Віктар Крэс падкрэсліў, што аграрыі Томскай вобласці, якую ён прадстаўляе ў Савеце Федэрацыі, рэгулярна бываюць у Беларусі, вывучаюць, пераймаюць яе вопыт і ўжо атрымліваюць першыя станоўчыя рэзультаты. На думку Віктара Крэса, у такім жа ключы неабходна працаваць па ўсіх астатніх напрамках, у тым ліку па саюзных праграмах, аб'ядноўваючы ў іх лепшыя напрацоўкі абедзвюх краін.